Enos, Lalaki nga Anak ni Jacob
Ti propeta a Nephite ken paraidulin kadagiti sinurat iti Libro ni Mormon a nangikararag ken immawat iti pannakaugas ti basbasolna babaen ti pammati ken ni Cristo (Enos 1:1–8). Nakitulag ti Apo ken ni Enos a mangipan iti Libro ni Mormon kadagiti Lamanite (Enos 1:15–17).
Ti libro ni Enos
Ti libro iti Libro ni Mormon a mangibaga iti kararag ni Enos iti Apo tapno mapakawan, para kadagiti taona, ken kadagiti sabsabali. Inkari kenkuana ti Apo a maitalimeng ti Libro ni Mormon ken maitedto kadagiti Lamanite iti masungad nga aldaw. Nupay maymaysa a kapitulo ti linaon ti libro, naisurat ti nabileg a pakasaritaan ti lalaki a nangsapul iti Dios iti kararagna, nagbiag a natallugod kadagiti bilin ti Dios, ken nagrag-o iti pannakaammona iti Mannubbot sakbay ti ipapatayna.