Ti biag sakbay ti panagbiag iti daga. Nakipagnaed amin a lallaki ken babbai iti Dios a kas espiritu nga annakna sakbay ti yaayda iti daga a kas matay a nabiag. Maawagan daytoy no dadduma iti umuna a kasasaad (Abr. 3:26 ).
Idi ipasdek ti Dios ti pamuon iti daga, nagdidir-i iti ragsak amin nga annak ti Dios iti ragsakda, Job 38:4–7 .
Agsublinto ti espiritu iti Dios a nangted iti daytoy, Ecl. 12:7 .
Sakbay a binukelka iti tian, am-ammokan, Jer. 1:4–5 .
Annaknatayo amin, Ara. 17:28 .
Pinilinatayo ti Dios sakbay ti pannakaparsua ti lubong, Ef. 1:3–4 .
Paiturayantayo iti naespirituan nga Amatayo, Heb. 12:9 .
Dagiti anghel a di nangtaginayon iti nakaisigudanda a kasasaad, nabaludda iti agnanayon a kawar, Judas 1:6 (Abr. 3:26 ).
Napapanaw ti Sairo ken dagiti anghelna, Apoc. 12:9 .
Kimmita ni Cristo iti nakayaplagan ti kinaagnanayon ken dagiti pangen iti langit sakbay ti pannakaaramid ti lubong, DkK 38:1 .
Kaduan ti Dios ti tao idi punganay, DkK 93:29 (Hel. 14:17 ; DkK 49:17 ).
Napili dagiti natan-ok nga espiritu idi punganay a mangituray iti Simbaan, DkK 138:53–55 .
Adu ti immawat iti umuna nga adalen iti lubong dagiti espiritu, DkK 138:56 .
Naparsua a naespirituan amin a banag sakbay nga addada iti daga, Moises 3:5 .
Pinarsuak ti lubong, ken dagiti tao sakbay a nagtagilasagda, Moises 6:51 .
Nakita ni Abraham dagiti kinasirib a nabukel sakbay ti lubong, Abr. 3:21–24 .