Hezekias

Ti nalinteg nga ari ti pagilian a Juda iti Daan a Tulag. Nagturay iti 29 a tawen, bayat ti panawen a panagpropeta ni Isaias iti Juda (2 Ari 18–20; 2 Cron. 29–32; Isa. 36–39). Tinulongan ni propeta Isaias a nangpasayaat iti simbaan ken ti estado. Inikkatna ti panagrukbab kadagiti didiosen ken insublina ti serbisio ti templo. Nanayonan ti biag ni Hezekias iti 15 a tawen babaen ti kararag ken pammati (2 Ari 20:1–7). Nabunga ti umuna a paset ti panagturayna, ngem ti panangsuppiatna iti ari ti Asiria (2 Ari 18:7) nagbunga iti dua a panangraut ti Asiria: nailadawan ti immuna iti Isa. 10:24–32. Iti maikadua nga iraraut, insalakan ti anghel ti Apo ti Jerusalem (2 Ari 19:35).