Dagiti Tulong iti Panagadal
Ezekiel


Ezekiel

Ti propeta a nangsurat iti libro ni Ezekiel iti Daan a Tulag. Saserdote iti kaamaan ni Zadok ken maysa kadagiti balud a Hudio nga impanaw ni Nabucodonosor. Nakipagtaeng kadagiti Hudio a nagpaing iti Babilonia ket namadto iti uneg ti 22 a tawen, manipud 592 agingga iti 570 S.C.

Ti libro ni Ezekiel

Mabalin a bingayen ti libro ni Ezekiel iti uppat a benneg. Ibaga dagiti kapitulo 1–3 ti maipanggep iti parmata ti Dios ken ti pannakatuding ni Ezekiel nga agserbi; kapitulo 4–24 ti mangibaga iti pangngeddeng iti Jerusalem ken no apay a naitedda; iwaragawag dagiti kapitulo 25–32 ti pangngeddeng kadagiti pagilian; ken naisurat kadagiti kapitulo 33–48 dagiti parmata ti Israel iti ud-udina nga aldaw.