Awanan basol wenno babak; awanan pakababalawan. Agbalin a natarnaw ti tao no nadalus ti pampanunot ken aramidna iti amin a wagas. Mabalin a tumarnaw ti tao a nagbasol babaen ti pammatina ken ni Jesucristo; agbabawi, ken awatenna dagiti ordinansa ti ebanghelio.
Isu a nadalus dagiti imana ken natarnaw ti pusona umawatto kadagiti bendision ti Apo, Sal. 24:3–5 .
Agbalinkayo koma a nadalus, nga agiggem iti al-alikamen ti Apo, Isa. 52:11 (DkK 133:4–5 ).
Dakayo amin a natarnaw ti panagpuspusona, yangadyo ti uloyo ket awatenyo ti makaay-ayo a balikas ti Dios, Jacob 3:2–3 .
Makasarangkayo kadi ngatan iti Dios iti dayta nga aldaw nga addaan iti natarnaw a puso ken nadalus nga im-ima? Alma 5:19 .
Natarnawen ken awanen ti mansana iti sango ti Dios, saanda a makaperreng iti basol malaksid iti gura, Alma 13:12 .
Mapatarnawkayo a kas iti kinatarnaw ni Cristo, Moro. 7:48 (Morm. 9:6 ).
Isagananto a mismo ni Cristo dagiti natarnaw a tao, DkK 43:14 .
Imbilin ti Apo a mabangon ti balay iti Zion a pakasarakan dagiti natarnaw iti Dios, DkK 97:10–17 .
Daytoy ti Zion—ti natarnaw ti panagpuspusona, DkK 97:21 .