Ti mangisalakan. Indiaya ni Jesucristo, babaen ti pannubbotna, ti panangsubbot ken panangisalakanna iti amin a sangkataw-an. “Mangisalakan” ti nagan ken awag ni Jesucristo.
Panaganamto iti Jesus: ta isalakannanto ti ilina kadagiti basbasolna, Mat. 1:21 .
Maipasngay kadakayo ti mangisalakan ita nga aldaw, nga isu ni Cristo nga Apo, Luc. 2:11 .
Ay-ayaten unay ti Dios ti lubong isu nga intedna ti Bugbugtong nga Anak a mangisalakan kadagiti tao, Jn. 3:16–17 .
Awan sabali a nagan malaksid ken Cristo a pakaisalakanan ti tao, Ara. 4:10–12 (2 Ne. 25:20 ; Mosiah 3:17 ; 5:8 ; DkK 18:23 ; Moises 6:52 ).
Manipud iti langit kumitatayo iti Mangisalakan, a ni Apo Jesucristo, Fil. 3:20 .
Imbaon ti Ama ti Anak a Mangisalakan iti lubong, 1 Jn. 4:14 .
Mangpatanor ti Apo iti Mesias, ti Mangisalakan iti lubong, 1 Ne. 10:4 .
Ti Kordero ti Dios ti Mangisalakan iti lubong, 1 Ne. 13:40 .
Agwarasto ti pannakaammo iti Mangisalakan iti amin a pagilian, kakabagian, pagsasao, ken umili, Mosiah 3:20 .
Nasken a matay ni Cristo tapno mapasamak ti pannakaisalakan, Hel. 14:15–16 .
Nalinteg ken pudno ti pannakapalinteg ken pannakapasanto babaen ti Mangisalakan, DkK 20:30–31 .
Siak ni Jesucristo, ti Mangisalakan iti lubong, DkK 43:34 .
Ti Bugbugtongko ti Mangisalakan, Moises 1:6 .
Kas iti kaadu ti mamati iti Anak ken agbabawi kadagiti basolda ti maisalakanto, Moises 5:15 .