Panagbalbaliw-langa
Ti kasasaad dagiti tao a temporario nga agbaliw ti langa ken kasasaadda—nga isu ti pannakaitag-ay iti nangatngato a naespirituan a tukad—tapno maibturanda ti kaadda ken ngayed dagiti nailangitan a nabiag.
Panagbalbaliw-langa ni Cristo
Nakita da Pedro, Santiago, ken Juan ti pannakaigloria ken panagbalbaliw ti langa ti Apo kadakuada. Inkari idi ti Mangisalakan nga awaten ni Pedro dagiti tulbek ti pagarian iti langit (Mat. 16:13–19; 17:1–9; Mar. 9:2–10; Luc. 9:28–36; 2 Ped. 1:16–18). Iti daytoy napateg a pasamak, inted ti Mangisalakan, ni Moises, ken ni Elias dagiti naikari a tulbek ti kinasaserdote kada Pedro, Santiago, ken Juan. Kadagitoy a tulbek ti kinasaserdote, adda bileg dagiti apostol a mangituloy iti aramid ti pagarian kalpasan ti yuuli ni Jesus.
Insuro ni Joseph Smith nga iti bantay a pagbalbaliwan-langa, nagbalbaliw met ti langa da Pedro, Santiago, ken Juan. Nakitada ti parmata iti daga a kas nagparang iti nagloriaan a kasasaadna iti masakbayan (DkK 63:20–21). Nakitada da Moises ken Elias, dagiti dua a nagbalbaliw a parsua, ken nangngegda ti timek ti Ama. Kinuna ti Ama, “Daytoy ti patpatgek nga Anak, a nakapagustuak unay; denggenyo” (Mat. 17:5).