Saksi Kitaen met ti Pammaneknek Ti palawag wenno sabali a pammaneknek nga agpayso ti maysa a banag; ti pammaneknek. Mabalin met ti saksi ti mangted iti palawag wenno pakapnekan a maibatay iti bukod a pannakaammo; kayatna a sawen, ti tao a mangiburay iti pammaneknek. Dika agsaksi iti ulbod, Ex. 20:16. Maikasabanto ti ebanghelio iti sangalubongan a mangpaneknek kadagiti amin a pagilian, Mat. 24:14 (JS—M 1:31). Dakayonto ti saksik, Ara. 1:8. Tinto Espiritu a mismo ti mangpaneknek iti espiritutayo, Rom. 8:16 (1 Jn. 5:6). Siaayat nga agtakder a saksi ti Dios iti amin a kanito, Mosiah 18:8–9. Makiranudtayo iti sakramento a mangsaksi iti Ama a tungpalentayo dagiti bilin ken kanayon a laglagipen ni Jesus, 3 Ne. 18:10–11 (Moro. 4, 5; DkK 20:77–79). Awan maawatyo a saksi agingga iti pannakasuot ti pammatiyo, Ether 12:6. Paglintegan dagiti saksi: iti ngiwat ti dua wenno tallo a saksi ti pagtaudanto ti tunggal balikas, DkK 6:28 (Deut. 17:6; Mat. 18:16; 2 Cor. 13:1; Ether 5:4; DkK 128:3). Inordenankayo nga apostol ken naisangsangayan a saksi iti naganko, DkK 27:12 (DkK 107:23). Natudingan dagiti Pitopulo a naisangayan a saksi kadagiti Gentil ken iti intero a lubong, DkK 107:25. Adda koma parasurat, ken isu koma ti saksi iti panagbuniagyo, DkK 127:6 (DkK 128:2–4).