Taga-Corinto, Sursurat Para Kadagiti
Dua a libro iti Baro a Tulag. Sigudda a sursurat ni Pablo kadagiti Santo iti Corinto a pangurnos kadakuada. Nagbiag dagiti Taga-Corinto iti gimong a nadangkes iti dayaw.
Umuna a taga-Corinto
Linaon ti kapitulo 1 ti kablaaw ni Pablo ken mensahena iti panagyaman. Dagiti kapitulo 2–6 ti panangatur ni Pablo kadagiti biddut dagiti Santo a taga-Corinto. Linaon dagiti kapitulo 7–12 dagiti sungbat ni Pablo kadagiti nalawag a saludsod. Seknan dagiti kapitulo 13–15 ti kaasi, naespirituan a sagsagut, ken ti panagungar. Linaon ti kapitulo 16 ti pammagbaga ni Pablo nga agtalinaed a natibker iti pammati.
Maikadua a taga-Corinto
Linaon ti kapitulo 1 ti kablaaw ni Pablo ken mensahena iti panagyaman. Linaon ti kapitulo 2 ti pammagbaga nga agpaay laeng ken ni Titus. Naagapad kadagiti kapitulo 3–7 ti bileg ti ebanghelio iti biag dagiti Santo ken dagiti dadauloda. Ibalakad dagiti kapitulo 8–9 kadagiti Santo nga agragsakda iti panangiburayda kadagiti marigrigat. Maigunamgunam kadagiti kapitulo 10–12 ti saad ni Pablo a kas Apostol. Ti kapitulo 13 ti palagip iti panagbalin a naan-anay.