Panagrukbab Kitaen met ti Buteng; Dayawen Nalaus a panagraem kadagiti sagrado a banag; datdatlag. Binilin ti Apo ni Moises nga ikkatenna ti sapatosna, ta agtaktakder iti nasantuan a daga, Ex. 3:4–5. Nasken a kabuteng ti Dios ken pagrukbaban, Sal. 89:7. Pagserbian ti Dios a sirurukbab ken nadiosan a panagbuteng, Heb. 12:28. Nagkurno ni Moroni iti daga, ket nagkararag a sipapasnek, Alma 46:13. Napasagda ti ummong iti daga ket nagdaydayawda ken ni Cristo, 3 Ne. 11:12–19. Agtamed kaniak, DkK 5:24. Agtamed amin a banag iti napakumbaba a panagraem iti trono ti Dios, DkK 76:93. Nasipngetan ti pampanunotyo gapu ta tinagtagilag-anyo dagiti banag nga inawatyo, DkK 84:54–57. Agparintumengto amin a tumeng ken agpudnonto ti tunggal dila, DkK 88:104. Kas panagdaydayaw wenno panagrukbab iti nagan ti Kangatuan iti Amin, inawagan ti Simbaan dayta a kinasaserdote a naipasurot ken ni Melchizedek, DkK 107:4. Maibukbokto dagiti bendision kadagiti agrukbab iti Apo iti balayna, DkK 109:21.