Nalinteg, Kinalinteg Kitaen met ti Bilin ti Dios, Dagiti; Killo, Kinakillo; Kinadalus; Magna, Magna iti Dios; Maikari, Pannakaikari Kinasayaat, nasantuan, nasagudayan, naimbag; agtignay a natulnog iti bilin ti Dios; mangliklik iti basol. Bendisionanto ti Apo ti nalinteg, Sal. 5:12. Maiturong dagiti mata ti Apo kadagiti nalinteg, Sal. 34:15, 17 (1 Ped. 3:12). No adda kadagiti nalinteg ti agturay, agrag-o dagiti tao, Prov. 29:2 (DkK 98:9–10). Nagasat dagiti mabisin ken mawaw iti kinalinteg, Mat. 5:6 (3 Ne. 12:6). Birokenyo nga umuna ti pagarian ti Dios ken ti kinalintegna, Mat. 6:33. Mapanto dagiti nalinteg iti biag nga agnanayon, Mat. 25:46. Ad-adu ti magun-od ti napasnek a kararag ti nalinteg a tao, San. 5:16. Paraburan ti Dios ti nalinteg, 1 Ne. 17:35. Taginayonennanto dagiti nalinteg; awan ti rumbeng a pagdanaganda, 1 Ne. 22:17, 22. Awan bileg ni Satanas gapu iti kinalinteg dagiti tao ti Apo, 1 Ne. 22:26. No awan ti kinalinteg awan ti kinaragsak, 2 Ne. 2:13. Tawidento dagiti nalinteg ti pagarian ti Dios, 2 Ne. 9:18. Saan a kabuteng dagiti nalinteg dagiti balikas ti kinapudno, 2 Ne. 9:40. Nasken a mabaliwan amin a tao iti kasasaad a kinalinteg, Mosiah 27:25–26. Maisuratto ti nagan dagiti nalinteg iti libro ti biag, Alma 5:58. Sinapulyo ti ragsak babaen ti panagaramidyo iti dakes, a maisupadi iti wadan ti kinalinteg, Hel. 13:38. Kararag kaniak ti kanta dagiti nalinteg, DkK 25:12. Agtakderkayo, nga adda iti kalasag ti kinalinteg, DkK 27:16 (Ef. 6:14). Ti ipapatay dagiti nalinteg nasam-itto kadakuada, DkK 42:46. Maummongto dagiti nalinteg manipud kadagiti amin a pagilian, DkK 45:71. Nasken nga agipatungpal dagiti tao iti adu a kinalinteg iti bukodda a pagayatan, DkK 58:27. Asino man a mangaramid kadagiti aramid ti kinalinteg umawatto iti kappia iti daytoy a lubong ken agnanayon a biag iti masungad a lubong, DkK 59:23. Iti maikadua a yaay, addanto sapasap a pannakaisina dagiti nalinteg ken dagiti nadangkes, DkK 63:54. Matengngel dagiti bileg ti langit babaen laeng dagiti pagbatayan ti kinalinteg, DkK 121:36. Adda kappia kadagiti nalinteg, DkK 138:22. Agtaeng ti kinalinteg kadagiti tao ti Zion, Moises 7:18. Pasurot ti kinalinteg ni Abraham, Abr. 1:2.