Sangol Kitaen met ti Disipulo Ti ramit a maikabil iti tengnged ti ayup wenno tao tapno maipakoda. Simbolo ti sangol ni Cristo ti kinadisipulo, idinto a simbolo ti panangirurumen ti sangol ti pannakaadipen. Nalaka ti sangolko, ken nalag-an ti awitko, Mat. 11:29–30. Saan a naisalsalumina ti pannakaisangolyo kadagiti di mamatpati, 2 Cor. 6:14. Saankayo a paisangol iti pannakaadipen, Gal. 5:1. Wenno tinarigagayanmi nga isangol ti asino man iti pannakaadipen, Alma 44:2. Ti panagtutuok dagiti Santo isu ti landok a sangol, nalagda a pamungo, ken pammalud ti impierno, DkK 123:1–3, 7–8.