Kaawan ti Pammati Kitaen met ti Mamati Kurang ti pammati iti Dios ken iti ebangheliona. Saan a nagaramid sadiay kadagiti adu a datdatlag gapu iti kinaawan pammatida, Mat. 13:58. Gapu iti kaawan ti pammatida saan a mapaksiat dagiti disipulo ni Jesus ti sairo, Mat. 17:14–21. Punnuanyo ti kaawan ti pammatiyo iti pammatik, Mar. 9:23–24. Binabalaw ni Jesus dagiti apostolna iti kaawan ti pammati ken kinatangken ti panagpuspusoda, Mar. 16:14. Ti kadi kinaawan pammati pagbalinenna ti pammati iti Dios nga awan pagbanaganna? Rom. 3:3. Nasaysayaat a mapukaw ti maysa a tao ngem ti bumassit ken mapukaw ti pagilian gapu iti panagduadua ti pammati, 1 Ne. 4:13. No dumtengto ti panawen a mapukaw ti pammatida, warawaraennanto ken saplitenna ida, 2 Ne. 1:10–11 (DkK 3:18). Gapu iti kinaawan ti pammatida dida maawatan ti balikas ti Dios, Mosiah 26:1–5. Saanko a maiparang kadagiti Hudio ti naindaklan a milagro, gapu iti kaawan ti pammatida, 3 Ne. 19:35. Nasipngetan ti pampanunotyo iti napalabas gapu iti diyo pamatpati, DkK 84:54–58.