Disnudo a di pannangan ken yiinum para iti panggep a mayasideg iti Apo tapno dumawat iti bendisionna. No agayuno ti tao wenno grupo, nasken nga ikararagda met tapno maawatanda koma ti pagayatan ti Dios ken tapno mapadur-as ti nabilbileg a pammatida. Nabayagen nga ar-aramiden dagiti pudno a mamatpati ti panagayuno.
Iti Simbaan ita, naituding ti maysa nga Aldaw ti Panaginana a panagayuno. Iti daytoy a panawen, saan a mangan ken uminum iti uneg ti 24 nga oras dagiti kameng ti Simbaan. Itedda iti Simbaan ti kuarta a ginastoda koma kadagita a pannangan. Maawagan daytoy a kuarta iti daton iti panagayuno. Usaren ti Simbaan ti daton iti panagayuno a pangtarabay kadagiti nakurapay ken makasapul.