Eliseo

Ti propeta iti Daan a Tulag iti Akin-amianan a Pagarian ti Israel ken mapagtalkan a mamagbaga ti sumagmamano nga ari iti dayta a pagilian.

Nasayaat ken managayat a tao ni Eliseo, nga awan ti galadna a nakaam-amak a kas iti maestrona, ni propeta Elias. Paneknekan dagiti nalatak a milagrona (2 Ari 2–5; 8) a talaga nga inawatna ti bileg ni propeta Elias idi sinuktanna ni propeta Elias a propeta (2 Ari 2:9–12). Kas pagarigan, pinagbaliwna ti danum ti napait nga ubbog, biningayna ti danum ti Karayan Jordan, pinaaduna ti lana ti balo, pinagungarna ti ubing, inagasanna ti lalaki nga agkukutel, pinagtapawna ti landok a wasay, ken pinagbulsekna dagiti taga-Siria (2 Ari 2–6). Nagpaut iti 50 a tawen ti naespirituan a panagserbina bayat ti panagturay da Jehoram, Jehu, Jehoahaz, ken Joash.