Ti tao a natudingan ken agsao para iti Dios. Kas mensahero ti Dios, umawat ti propeta kadagiti bilin, padto, ken paltiing manipud iti Dios. Pagrebbenganna nga ipakaammo dagiti pagayatan ti Dios ken pudno a kinasiasinona iti sangkataw-an ken mangipakita iti kaipapanan ti pannakilangenna kadakuada. Babalawen ti propeta ti basol ken ipadtona ti ibungana. Isu ti mangikaskasaba iti kinalinteg. No dadduma, mabalin a maparegta ti propeta a mangipadto iti masakbayan para iti pagimbagan ti sangkataw-an. Nupay kasta, kangrunaan a pagrebbenganna ti mangpaneknek ken ni Cristo. Ti Presidente ti Ti Simbaan ni Jesucristo Dagiti Santo iti Ud-udina nga Aldaw ti propeta ti Dios iti daga iti agdama. Dagiti kameng ti Umuna a Panguluen ken dagiti Sangapulo-ket-dua nga Apostol ti nakanunongan a propeta, mammadto ken mammaltiing.