Egipto

Ti pagilian iti akin-amianan-a-daya a suli ti Africa. Ragangirang ken naliday ti kaaduan a paset ti Egipto. Kaaduanna kadagiti agindeg ti adda iti Tanap ti Nile, a nagunnat iti agarup 550 a milia, (890 a kilometro).

Nabaknang ken nadur-as ti nagkauna nga Egipto. Nabangon dagiti dadakkel a pasdek, a pakairamanan dagiti kanal a para pasayak; nabileg a siudad a para depensa; ken monumento dagiti napateg a tao, kangrunaan dagiti piramide a tanem ken templo, a maibilang pay laeng a pagsidsiddaawan iti lubong. Adda idi gundaway, a tinulad ti gobierno ti Egipto ti urnos a patriarka ti kinasaserdote (Abr. 1:21–27).