Agbabawi, Panagbabawi

Panagbaliw ti panunot ken panagpuspuso a mangpabaro iti galad a maiturong iti Dios, iti bagi, ken iti biag a sapasap. Iparipirip ti panagbabawi nga umadayo ti tao iti dakes ket umasideg iti pagayatan ti Dios a sumuko kadagiti bilin ti Dios ken pagayatanna ket lipatenna ti basol. Agtaud ti pudno a panagbabawi iti panagayat iti Dios ken napudno a tarigagay nga agtungpal kadagiti bilinna. Nagbasol amin nga agsungbat a tao ket nasken nga agbabawi tapno dumur-as iti pannakaisalakan. Babaen laeng ti pannubbot ni Jesucristo ti panagbalin ti panagbabawitayo nga epektibo ken awaten ti Dios.

Ti Espiritu ti Apo a Mannakabalin amin nangipaay iti naindaklan a panagbalbaliw iti puspusomi, nga awanen kadakami ti tarigagay nga agaramid iti kinadakes, Mosiah 5:2.
No ipudnona dagiti basolna ket agbabawi, pakawanemto, Mosiah 26:29.
Kalpasan ti panangasaba ni Alma, adu a tao ti nangrugi a nagbabawi, Alma 14:1.
Saanyo nga itantan ti aldaw ti panagbabawiyo, Alma 34:33.
Insuro ni Alma ni Helaman nga agbabawi ket sumurot, Alma 36 (Mosiah 27:8–32).
Saan a dumteng ti panagbabawi iti tao malaksid no adda dusa, Alma 42:16.
Dagiti laeng basolmo ti pakariribukam ta dayta a pannakariribuk ti mangiturong kenka iti panagbabawi, Alma 42:29.
Idatonyo kaniak a daton ti nasneban a puso ken napnuan babawi nga espiritu, 3 Ne. 9:20.
Asino man nga agbabawi ket umay kaniak a kasla bassit nga ubing, awatekto, 3 Ne. 9:22.
Agbabawikayo, amin nga adda iti daga, 3 Ne. 27:20.
Kas iti naynay a panagbabawida, mapakawanda, Moro. 6:8.