Betel

Iti Hebreo, kayatna a sawen “balay ti Dios” ken maysa kadagiti kasagraduan a lugar iti Israel. Masarakan iti agarup a 10 a milia iti amianan ti Jerusalem. Binangon ditoy ni Abraham ti altarna iti panawen nga immuna nga isasangpetna iti Canaan (Gen. 12:8; 13:3). Nakita ditoy ni Jacob iti parmata ti agdan a dumanon iti langit (Gen. 28:10–19). Nasantuan met a lugar kadagidi aldaw ni Samuel (1 Sam. 7:16; 10:3).