Pannakaisalakan iti naindagaan ken naespirituan nga ipapatay. Maisalakan amin a tao manipud iti naindagaan nga ipapatay babaen ti parabur ti Dios, babaen ti ipapatay ken panagungar ni Jesucristo. Mabalin met a maisalakan ti tunggal tao iti naespirituan nga ipapatay kasta met a babaen ti parabur ti Dios, babaen ti pammati ken ni Jesucristo. Makita daytoy a pammati iti biag iti panagtungpal kadagiti paglintegan ken ordinansa ti ebanghelio ken panagserbi ken ni Cristo.