Kas naaramat iti nasantuan a kasuratan, dua a banag ti sapasap a kaipapanan ti pakawan: (1) No pakawanen ti Dios dagiti tao, punasen wenno ibabawina ti kasapulan a dusa iti basol. Babaen ti pannubbot ni Cristo, maipaay ti pannakapakawan ti basol kadagiti amin nga agbabawi, malaksid kadagiti namapatay wenno dagiti awan pakapakawananna a basol a maibusor iti Espiritu Santo. (2) Iti panangpakawan ti tao iti tunggal maysa, taripatuenda ti tunggal maysa iti Nakristianuan nga ayat ket awan ti dakes a riknada kadagiti nagbasol kadakuada (Mat. 5:43–45; 6:12–15; Luc. 17:3–4; 1 Ne. 7:19–21).