Sulisogen, Sulisog Kitaen met ti Agibtur; Kinawaya nga Agpili; Sairo Ti pannakasubok ti kabaelan ti tao a mangpili iti nasayaat wenno dakes; ti pannakagargari nga agbasol ken mangsurot ken ni Satanas ngem ti Dios. Dinakami yeg iti pannakasulisog, no di ket isalakannakami iti dakes, Mat. 6:13 (3 Ne. 13:12). Saan nga ipalubos ti Dios a masulisogkayo iti aglabes iti kabaelanyo, 1 Cor. 10:13. Nasulisog ni Cristo a kas kadatayo, Heb. 4:14–15. Nagasat ti tao a makaibtur iti sulisog, San. 1:12–14. Dinto rimbawan ti pannulisog ti kabusor dagiti mangipangag iti balikas ti Dios, 1 Ne. 15:24 (Hel. 5:12). Saan a makapagtignay ti tao iti kaykayatna malaksid no ar-ariten ti maysa wenno sabali, 2 Ne. 2:11–16. Agsalukag ken agkararagkayo a kanayon, tapno saankayo a masulisog iti nalablabes ngem iti kabaelanyo, Alma 13:28. Isurom ida a mangparmek iti tunggal sulisog ti sairo, babaen ti pammatida iti Apo a Jesucristo, Alma 37:33. Kanayon nga agkararagkayo amangan ta masulisogkayo, 3 Ne. 18:15, 18 (DkK 20:33; 31:12; 61:39). Annadam ti kinapalangguad, di la ketdi mamin-ano ta maikursongka iti sulisog, DkK 23:1. Ni Adan pinaituray iti pagayatan ti sairo gapu ta simmuko iti sulisog, DkK 29:39–40. Nabatiak iti amin a kita a pannulisog, JS—P 1:28.