Kristiano Kitaen met ti Disipulo; Santo Ti nagan a naited kadagiti mamati ken ni Jesucristo. Nupay gagangay a maar-aramat daytoy a termino iti intero a lubong, innaganan ti Apo dagiti pudno a pasurot ni Cristo a kas Santo (Ara. 9:13, 32, 41; 1 Cor. 1:2; DkK 115:4). Naawagan a Kristiano dagiti disipulo, Ara. 11:26. No agtutuok a kas Kristiano ti asino man a tao, saan koma nga agbain, 1 Ped. 4:16. Gapu iti katulagan maawagankayo nga annak ni Cristo, Mosiah 5:7. Ninaganan dagiti saan a kameng ti Simbaan iti Kristiano dagiti pudno a mamati, Alma 46:13–16.