Kasipngetan, Naespirituan a Kitaen met ti Nadangkes, Kinadangkes Kinadangkes wenno kinakuneng kadagiti naespirituan a banag. Ay-ay pay dagiti mangpasipnget iti lawag, Isa. 5:20 (2 Ne. 15:20). Sallukobanto ti sipnget ti daga, ken napuskol a kinasipgnet dagiti tao, Isa. 60:2. Ikkanto ni Jesus iti silaw dagiti adda iti kasipngetan, Luc. 1:79. Aglawagto ti silaw iti kasipngetan, ket ti sipnget dina maawatan, Jn. 1:5 (DkK 45:7). Iwagsaktayo dagiti aramid ti kasipngetan ket ikapettayo ti igam ti lawag, Rom. 13:12. Adaywanyo dagiti tao nga agaramid kadagiti awan serserbina a banag nga agtaud iti sipnget, Ef. 5:8–11. Gapu ta saankayo a nagsaludsod, saankayo a maipan iti lawag ngem nasken a maungaw iti kasipngetan, 2 Ne. 32:4. Isaknap ni Satanas ti aramid iti kasipngetan, Hel. 6:28–31. Agturayto ti bileg ti kasipngetan iti daga, DkK 38:8, 11–12. Agasug ti sangalubongan iti basol ken iti kasipngetan, DkK 84:49–54. No maitalimudok ti imatangyo, iti gloriak, awanto ti sipnget kadakayo, DkK 88:67. Nangrugi nga agturay ti aramid ti kasipngetan kadagiti amin a lallaki nga annak ti tattao, Moises 5:55.