Ti natarnaw a panagpuspuso (DkK 97:21). Kayat pay a sawen ti Zion ti lugar a pagnaedan dagiti natarnaw ti panagpuspusoda. Napanaganan iti Zion ti siudad a binangon ni Enoc ken dagiti taona a naipan idi agangay iti langit gapu iti kinalinteg (DkK 38:4; Moises 7:18–21, 69). Iti ud-udina nga aldaw mabangonto ti siudad a managanan iti Zion iti asideg ti Jackson County, Missouri (EUA), a pakaummongan dagiti tribu ti Israel (DkK 103:11–22; 133:18). Nabagbagaan dagiti Santo a mangbangonda iti Zion iti sadino man a pagindeganda iti lubong.