Ruth
Iti Daan a Tulag, isu ti Moabita a manugang da Naomi ken Elimelec, nga Israelita. Kalpasan ti ipapatay ti asawana, nakiasawa ni Ruth ken ni Boaz a kabagian ni Naomi. Ni Obed nga anakna ti an-annabo da David ken Cristo. Napintas ti panangiladawan ti pakasaritaan ni Ruth iti pannakapasurot dagiti saan nga Israelita iti sidong ti Israel. Inwaksi ni Ruth ti sigud a diosna ken biagna tapno makitipon iti balay ti pammati iti panagserbina iti Dios ti Israel (Rt. 1:16).
Ti libro ni Ruth
Iladawan ti kapitulo 1 ti biag ni Elimelec ken ti kaamaanna idiay Moab. Kalpasan ti ipapatay dagiti assawada, napan da Naomi ken Ruth idiay Betlehem. Ilawlawag ti kapitulo 2 ti panagadas ni Ruth iti talon ni Boaz. Ibaga ti kapitulo 3 no kasano nga insuro ni Naomi ni Ruth a mapan iti pagirikan ket agidda iti sakaanan ni Boaz. Pakasaritaan ti panagasawa da Ruth ken Boaz ti kapitulo 4. Naaddaanda iti anak, ni Obed, a nagtaud iti kapuonan da David ken Cristo.