Agsungbat, Sungsungbatan, Kaadda ti Sungsungbatan Kitaen met ti Kinawaya nga Agpili Kinuna ti Apo a sungsungbatan amin dagiti tao dagiti gagem, kababalin, tarigagay, ken tignayda. Ti tawen a kaaddan ti sungsungbatan isu ti tawen a maibilang a masungbatanen dagiti ubbing dagiti tignay ken mabalindan ti agbasol ken agbabawi. Kedngakto ti tunggal maysa kas mayannatup iti aramidna, Eze. 18:30. Sungbatanto ti tunggal maysa dagiti amin a sao nga awan kapapay-anna nga insaona, Mat. 12:36. Idatagmo ti panagaywanmo, Luc. 16:2. Dumatagto ti tunggal maysa kadatayo iti sango ti Dios, Rom. 14:12. Makednganto dagiti natay kas mayannatup kadagiti aramidda, Apoc. 20:12. Dagiti balikas, aramid, ken pampanunottayo ti mangeddeng kadatayo, Alma 12:14. Datayo ti mangukom, no agaramidtayo iti naimbag wenno agaramidtayo iti dakes, Alma 41:7. Napalubosankayo nga agaramid iti agpaay iti bagbagiyo, Hel. 14:29–31. Dayta a banag ti isuroyonto—ti panagbabawi ken panagbuniag kadakuada nga agsungbat, Moro. 8:10. Nasken nga agbabawi ken mabuniagan amin dagiti nakadanonen iti tawen a kaadda ti sungsungbatan, DkK 18:42. Saan a masulisog ni Satanas dagiti babassit nga ubbing, agingga a mangrugida nga adda sungsungbatanda kaniak, DkK 29:46–47. Mabuniaganto dagiti ubbing inton agtawenda iti walo, DkK 68:27. Sungbatanto ti tunggal tao dagiti basolna iti aldaw a panangukom, DkK 101:78. Naited kadagiti tao ti pannakaammo iti naimbag manipud iti dakes; gapuna isuda ti agtignay iti bagbagida, Moises 6:56. Madusanto dagiti tao gapu kadagiti bukodda a basol, PP 1:2.