Celestial a Gloria Kitaen met ti Agnanayon a Biag; Pannakaitan-ok; Tukad ti Gloria Ti kangatuan iti tallo a tukad ti gloria a mabalin a tun-oyen ti tao kalpasan daytoy a biag. Makipagtaeng ditoy dagiti nalinteg iti Dios nga Ama ken ti anakna a ni Jesucristo. Maymaysa ti gloria ti kangatuan, 1 Cor. 15:40 (DkK 76:96). Naipan ni Pablo iti maikatlo a langit, 2 Cor. 12:2. No tarigagayan dagiti Santo ti maaddaan iti lugar iti celestial a lubong, nasken nga agsaganada, DkK 78:7. Isu a di makatungpal iti paglintegan iti celestial a pagarian saan a maawat iti celestial a gloria, DkK 88:15–22. Adda tallo a langit iti celestial a gloria; adda naituding nga annuroten iti panangtun-oy iti kangatuan, DkK 131:1–2. Maisalakan dagiti ubbing a matay sakbay ti tawen nga addaan iti sungsungbatan iti celestial a pagarian, DkK 137:10.