Mormon, Nephite a Propeta
Ti Nephite a propeta, heneral ti buyot, ken para surat iti Libro ni Mormon. Nagbiag ni Mormon iti agarup a K.P. 311–385 (Morm. 1:2, 6; 6:5–6; 8:2–3). Pangulo ti buyot iti dandani unos ti panagbiagna, a nangrugi idi agtawen iti 15 (Morm. 2:1–2; 3:8–12; 5:1; 8:2–3). Insuro ni Ammaron ni Mormon a mangisagana iti bagina a mangimaton kadagiti sinurat ken agsurat (Morm. 1:2–5; 2:17–18). Kalpasan ti panangisuratna iti pakasaritaan ti biagna, inyababa ni Mormon dagiti dadakkel a pinanid ni Nephi kadagiti pinanid ni Mormon. Impaimana idi agangay daytoy sagrado a sinurat ken ni anakna a Moroni. Paset dagiti impatarus ni Joseph Smith iti Libro ni Mormon dagitoy a pinanid.
Dagiti Balikas ni Mormon
Ti bassit a libro iti Libro ni Mormon. Iti nagbaetan dagiti naudi a balikas ni Amaleki iti libro ni Omni ken dagiti umuna a balikas iti libro ni Mosiah, imbaet ni Mormon, ti editor ti amin a sinurat, daytoy. (Kitaen “Ti Ababa a Pangilawlawag maipapan iti Libro ni Mormon” iti sango ti Libro ni Mormon.)
Ti libro ni Mormon
Ti naisina a libro kadagiti libro ti nasantuan a kasuratan a maawagan iti Libro ni Mormon. Ibaga dagiti kapitulo 1–2 ti maipanggep ken ni Ammaron, ti propeta dagiti Nephite, a mangisursuro ken ni Mormon no kaano ken sadino ti pangalaanna kadagiti pinanid. Kasta met, a mangrugi ti dadakkel a gubat, ket naipanaw dagiti Tallo a Nephite gapu iti kinadangkes dagiti tao. Ibaga dagiti kapitulo 3–4 ni Mormon a mangipakpakaasi ti panagbabawi dagiti tao: ngem immad-adda ketdi ti kinadangkesda ngem idi idiay Israel. Naisurat kadagiti kapitulo 5–6 dagiti naudi a gubat dagiti Nephite ken Lamanite. Napapatay ni Mormon a kaduana dagiti kaaduan a Nephite. Iti kapitulo 7, sakbay ti ipapatayna, inawaganna dagiti tao—idi ken iti masakbayan—tapno agbabawi. Naisurat kadagiti kapitulo 8–9 nga idi agangay ti laengen anak ni Mormon, ni Moroni, ti nabati. Insuratna dagiti maudi a buya ti ipapatay ken nadawel a panagpapatay, a pakairamanan ti nagbanagan dagiti tao a Nephite, ket insuratna ti mensahe a para kadagiti sumaruno a kaputotan ken makabasa iti daytoy a sinurat.