Puso Kitaen met ti Maipasngay Manen, Naipasngay iti Dios; Napakumbaba a Puso Ti simbolo ti panunot ken pagayatan ti tao ken mangiladawan iti pagtaudan amin a karirikna ken rikna. Ayatem ti Apo a Diosmo iti amin a pusom, Deut. 6:5 (Deut. 6:3–7; Mat. 22:37; Luc. 10:27; DkK 59:5). Nangsapul ti Apo iti tao a napudno, 1 Sam. 13:14. Kumita ti tao iti akinruar a langa, ngem kumita ti Apo iti puso, 1 Sam. 16:7. Isu nga addaan iti nadalus nga ima ken natarnaw a puso umulinto iti turod ti Apo ken mabendisionan, Sal. 24:3–5 (2 Ne. 25:16). Ta kas iti pampanunoten ti tao iti unegna, kasta met isuna, Prov. 23:7. Isublinto ni propeta Elias ti puso dagiti amma kadagiti annakda, ken ti puso dagiti annak kadagiti ammada, Mal. 4:5–6 (Luc. 1:17; DkK 2:2; 110:14–15; 138:47; JS—P 1:39). Nagasat dagiti nadalus ti pusoda, Mat. 5:8 (3 Ne. 12:8). Agsao ti tao a nasayaat wenno dakes ti agtaud iti pusona, Luc. 6:45. Surotenyo ti Anak nga addaan puso a napnuan tarigagay, 2 Ne. 31:13. Naespirituankayo kadi a naipasngay iti Dios ken limmansad kadi iti pusoyo daytoy naisangsangayan a panagbalbaliw? Alma 5:14. Idatonyo a daton iti Apo ti nasneban a puso ken napnuan babawi nga espiritu, 3 Ne. 9:20 (3 Ne. 12:19; Ether 4:15; Moro. 6:2). Ibagak kenka iti panunotmo ken iti pusom babaen ti Espiritu Santo, DkK 8:2.