Biag Kitaen met ti Agnanayon a Biag; Silaw, Silaw ni Cristo Maaramid ti naindagaan ken naespirituan a panagbiag babaen ti bileg ti Dios. Inikkanka ita nga aldaw iti biag ken pagimbagan, Deut. 30:15–20. Ipakitamto kaniak ti dana ti biag, Sal. 16:11. Ti mangsursurot iti kinalinteg masarakanna ti biag, Prov. 21:21. Isu a mangipangpangruna iti biagna mapukawnanto; ken isu a makapukaw iti biagna gapu kaniak masarakannanto, Mat. 10:39 (Mat. 16:25; Mar. 8:35; Luc. 9:24; 17:33). Saan nga umay ti Anak ti Tao a mangdadael iti biag ti tattao, ngem isalakanna ketdi ida, Luc. 9:56. Adda kenkuana ti biag, ket ti biag ti silaw dagiti tao, Jn. 1:4. Isu a mamati kenkuana a nangibaon kaniak mailusotannanto ni patay ket agbiag, Jn. 5:24. Siak ti dalan, ti kinapudno, ken ti biag, Jn. 14:6. No ditoy la a biag ti pangnamnamaantayo ken ni Cristo, nakakaasitayo unay, 1 Cor. 15:19–22. Adda kari ti kinadios iti agdama a biag, ken iti umay, 1 Tim. 4:8. Mabalin ti kumita dagiti annaktayo iti masanguanan a biag nga adda ken ni Cristo, 2 Ne. 25:23–27. Daytoy a biag ti panawen a panagsagana ti tao a sumabat iti Dios, Alma 34:32 (Alma 12:24). Siak ti silaw ken ti biag ti lubong, 3 Ne. 9:18 (Mosiah 16:9; 3 Ne. 11:11; Ether 4:12). Nagasat dagiti napudno, iti man biag wenno iti patay, DkK 50:5. Daytoy ti agnanayon a biag—ti mangammo iti Dios ken ni Jesucristo, DkK 132:24. Daytoy ti aramidko ken gloriak—ti mangipatungpal iti saan nga ipapatay ken ti agnanayon a biag ti tao, Moises 1:39.