Naikari a Daga Dagiti daga nga ikari ti Apo a kas tawid dagiti natulnog a pasurotna, ken masansan pay a kadagiti an-annaboda. Adu ti naikari a daga. Masansan nga iti Libro ni Mormon, ti America ti masasao a naikari a daga. Iti putotmo itedkonto daytoy a daga, Gen. 12:7 (Abr. 2:19). Itedko kenka ken kadagiti putotmo ti daga ti Canaan, Gen. 17:8 (Gen. 28:13). Intuding ni Moises dagiti beddeng ti daga para iti Israel iti Canaan, Num. 34:1–12 (Num. 27:12). Maiturongkanto iti naikari a daga, 1 Ne. 2:20 (1 Ne. 5:5). Iturong ti Apo dagiti nalinteg iti napateg a dagdaga, 1 Ne. 17:38. No tungpalen dagiti an-annabo ni Lehi dagiti bilin ti Dios, rumang-ayda iti naikari a daga, 2 Ne. 1:5–9. Agsublinto dagiti Israelita iti naikari a dagada, 2 Ne. 24:1–2 (Isa. 14:1–2). Ania man a pagilian a mangtagikua iti daytoy naikari a daga nasken nga agserbida iti Dios, wenno masagaddanto, Ether 2:9–12. Daytoy ti naikari a daga, ken ti lugar a para iti siudad ti Zion, DkK 57:2. Mabalin a rugian ti Juda ti agsubli iti daga ni Abraham, DkK 109:64. Mabangonto ti Baro a Jerusalem iti kontinente ti America, PP 1:10.