Agbalin a nalaka nga isuro, wenno ti kasasaad a nalaka nga isuro. Iraman ti kinapakumbaba ti panangbigbigtayo iti panagpannuraytayo iti Dios ken tarigagaytayo nga agtungpal iti pagayatanna.
Managbuteng iti Dios, nalinteg, naemma, nalaka nga isuro, ken naanus bayat ti panagrigrigatna. Natudio ti napakumbaba a mangsurot iti pannursuro ti ebanghelio.
Kinapakumbaba ni Moises, Num. 12:3 .
Uppat-a-pulo a tawen nga inturongnaka ti Dios iti let-ang tapno masuotnaka, Deut. 8:2 .
Impakumbabak ti kararuak babaen ti panagayuno, Sal. 35:13 .
Tawidento dagiti naemma ti daga, Sal. 37:11 (Mat. 5:5 ; 3Â Ne. 12:5 ; DkK 88:17 ).
Nasaysayaat ti nakurapay ken masirib nga ubing ngem ti lakay ken maag nga ari, Ecl. 4:13 .
Agtaeng ti Apo kenkuana a napakumbaba, Isa. 57:15 .
Sapulenyo ti Apo, dakayo amin a napakumbaba; sapulenyo ti kinalinteg, sapulenyo ti kinapakumbaba, Sof. 2:3 (1Â Tim. 6:11 ).
Agsursurokayo kaniak ta naemma ken napakumbabaak, Mat. 11:29 .
Asino man a mangipakumbaba iti bagina kas iti daytoy bassit nga ubing, isunto ti kadakkelan iti pagarian ti langit, Mat. 18:4 .
Maitan-okto ti mangipakumbaba iti bagina, Mat. 23:12 (Luc. 14:11 ; 18:14 ).
Ti kinapakumbaba ti bunga ti Espiritu, Gal. 5:22–23 .
Impakumbaba ni Jesus ti bagina ket nagtungpal iti patay, Fil. 2:8 (Luc. 22:42 ; 23:46 ).
Nasken a naamo ti katulongan ti Apo, nalaing a mangisuro, managparbeng, a mamatigmaan a sieemma kadagiti sumupring, 2 Tim. 2:24–25 .
Adda dakkel a gunggona ti napakumbaba ken naulimek nga espiritu iti imatang ti Dios, 1Â Ped. 3:4 .
Saan a kayat ti Dios ti napalangguad, ket pinaraburanna ti napakumbaba, 1 Ped. 5:5–6 (2 Ne. 9:42 ).
Liklikam ti kadawyan a tao ket agbalinka a napakumbaba, Mosiah 3:19 (Alma 13:27–28 ).
Agpakumbabakayo iti awan umasping a kinapakumbaba, Mosiah 4:11 (2Â Ne. 9:42 ; 3Â Ne. 12:2 ).
Naan-anay kadi ti kinapakumbabayo? Alma 5:27–28 .
Binilin ti Dios ni Helaman a mangisuro kadagiti tao nga agbalin a napakumbaba, Alma 37:33 .
Ad-adu a napakumbaba a paset dagiti tao ti pimmigsa gapu iti kinapakumbabada, Hel. 3:33–35 .
Umdas ti kaasi ti Apo para kadagiti napakumbaba, Ether 12:26 .
Inikkak dagiti tao iti pagkapsutan tapno ammoda ti agpakumbaba, Ether 12:27 .
Adda pammatiyo ken ni Cristo gapu iti kinapakumbabayo, Moro. 7:39 .
Awan ti kasta a maawat iti sango ti Dios, malaksid dagiti naemma ken napakumbaba ti pusona, Moro. 7:44 .
Yeg ti pannakaugas dagiti basol ti kinapakumbaba, ket gapu iti kinapakumbaba umasideg ti Espiritu Santo, Moro. 8:26 .
Magnakayo iti kinapakumbaba ti Espirituk, DkK 19:23 .
Iturongmo ti balaymo babaen ti kinapakumbaba, DkK 20:37 .
Iwardasyo ti balayyo a sieemma, DkK 31:9 .
Agpakumbabakayo iti sangok ket makitadakto ken ammoyo a siak, DkK 67:10 .
Agpakumbabaka ket itdento kenka ti Apo ti sungbat dagiti kararagmo, DkK 112:10 .
Mabalin a mapagtalinaed ti bileg ken pangaring ti kinasaserdote babaen ti kinaalumamay ken kinapakumbaba, DkK 121:41 .
Adalen koma ti kuneng ti pagsiriban babaen ti panagpakumbabana, DkK 136:32 .
Naibaon ti Espiritu a mangliwliwa iti napakumbaba, DkK 136:33 .