Dagiti Hudio mabalinda nga (1) an-annabo ni Juda, maysa kadagiti sangapulo-ket-dua nga annak a lallaki ni Jacob, (2) a nagkauna a tattao iti akin-abagatan a pagarian ti Juda, wenno (3) tattao a sumursurot iti relihion, kita ti panagbiag, ken kannawidan a Juda ngem mabalin wenno saanda a nayanak a Hudio. Nakairuamen ti panangaramat iti balikas a Hudio a mangitudo kadagiti amin nga an-annabo ni Jacob, ngem biddut daytoy. Maiturong la koma kadagiti adda iti pagarian a Juda wenno, nangruna kadagitoyen, kadagiti tribu ni Juda ken dagiti kaduana.