Opisial a Palawag—2

Ti nadoktrinaan a palawag maipanggep iti no asino ti maaddaan iti kinasaserdote ti Dios, a naimaldit itan kadagiti maudi a panid ti Doktrina ken Katulagan. Iti rugi ti Hunio 1978, impalgak ti Apo ken ni Presidente Spencer W. Kimball a nasken a maited ti kinasaserdote kadagiti amin a maikari a kameng a lallaki ti Simbaan. Daytoy ti mangipaay iti kinasaserdote kadagiti maikari a lallaki, ken mangisagana kadagiti bendision ti templo iti amin a maikari a kameng, uray ania ti pulina. Naidatag daytoy a palawag idi 30 ti Septiembre 1978 iti sapasap a taripnong ti Simbaan ket napagkaykaysaan a maawat.