1 Ti ^ailulutuad ti ^bSimbaan ni Cristo kadagitoy maudi nga aldaw, iti sangaribu-ket-walo-gasut-ken-tallopulo a tawen manipud iti yaay ti Apotayo ken Mangisalakan a Jesucristo a nagtagilasag, iti umno a ^cpannakaurnosna ken nabangon a maitutop kadagiti paglintegan ti pagiliantayo, babaen ti pagayatan ken pammilin ti Dios, iti maikapat a bulan, ken iti maikanem nga aldaw ti bulan a maawagan iti Abril—

2 A bilbilin a naited ken ni Joseph Smith, Jun., a ^atinudingan ti Dios, ken naordenan nga ^bapostol ni Jesucristo, nga agbalin nga umuna nga ^celder daytoy a simbaan;

3 Ken ni Oliver Cowdery, a tinudingan met ti Dios, nga apostol ni Jesucristo, nga agbalin a maikadua nga elder daytoy a simbaan, ken naordenan iti imana;

4 Ket maipanggep daytoy iti parabur ti Apotayo ken Mangisalakan a Jesucristo, nga adda kenkuana amin a dayag, ita ken iti agnanayon. Amen.

5 Kalpasan ti pannakaipakitana iti daytoy umuna nga elder a naawatna ti pannakaugas ti basbasolna, ^anaipasungalngal manen kadagiti awan ti kaes-eskanna a banag iti lubong;

6 Ngem kalpasan ti panagbabawina, ken inruknoyna ti bagina a sipupudno, babaen ti pammati, insuro ti Dios kenkuana babaen ti nasantuan nga ^aanghel, a kas iti kimat ti rimat ti ^brupana, ket natarnaw ken puraw dagiti pagan-anayna a mangrimbaw iti amin a kinapuraw;

7 Ket inikkanna kadagiti bilin a nangparegta kenkuana;

8 Ken inikkanna iti bileg a naggapu iti ngato, nga ^aidi pay a naisagana, a mangipatarus iti Libro ni Mormon;

9 A naglaon iti kasuratan ti natnag a tattao, ken ti ^apakabuklan ti ^bebanghelio ni Jesucristo kadagiti Gentil ken kasta met kadagiti Hudio;

10 A naited babaen ti pammaregta, ken napatalgedan kadagiti ^asabali babaen ti panagserserbi dagiti anghel, ken ^bimpakdaar dagiti dadduma iti lubong—

11 A pinaneknekanda iti lubong a ^apudno dagiti nasantuan a kasuratan, ken ^bpinaregta ti Dios dagiti lallaki ken tinudinganna ida iti ^cnasantuan nga aramidna iti daytoy a tawen ken kaputotan, ken kasta met kadagiti immuna a kaputotan;

12 Ket kastoy ti panangipakitana nga ^aisu ti Dios idi kalman, ita, ken iti agnanayon. Amen.

13 Ngarud, iti kaadda ti adu a saksi, isudanto ti mangukom iti lubong, kastanto met ti kaadu ti makaammo iti daytoy nga aramid.

14 Ket dagiti mangawat a sipapammati, ken agaramid iti ^akinalinteg, umawatdanto iti ^bkorona ti agnanayon a biag;

15 Ngem kadagiti nangpatangken iti puspusoda a di ^anamati, ken sinupringda, agballatekto a pakadusaanda—

16 Ta nasaon ti Apo a Dios; ket datayo, nga elder ti simbaan, nangngegan ken saksiantayo dagiti balikas ti nadayag a Natan-ok iti ngato, ket maidaydayaw iti agnanayon. Amen.

17 Babaen dagitoy a banag ^aammotayo nga adda ^bDios iti langit, nga awan ti patinggana ken agnanayon, manipud iti napalabas a kinaagnanayon agingga iti masakbayan a kinaagnanayon a di agbalbaliw a Dios, ti nangisakab iti langit ken daga, ken amin a banag nga adda kadakuada;

18 Ket isu a ^apinarsuana ti tao, lalaki ken babai, a ^bkaruprupana ken kalanglangana, pinarsuana ida;

19 Ket binilinna ida a nasken nga ^aayaten ken ^bpagserbianda, ti kakaisuna a sibibiag ken pudno a Dios, ket nasken nga isu laeng ti ^cpagdaydayawanda.

20 Ngem babaen ti pannakasalungasing dagitoy nasantuan a paglintegan nagbalin ti tao a ^anagartem ken kasla ^bsairo, ken nagbalin a ^cnatnag a tao.

21 Gapuna, inted ti Mannakabalin a Dios ti ^aBugbugtong nga Anakna, kas naisurat kadagidiay nasantuan a kasuratan nga intedna.

22 Naglak-am kadagiti ^asulisog ngem saanna a dinengngeg ida.

23 ^aNailansa iti krus, natay, ken ^bnagungar iti maikatlo nga aldaw;

24 Ket ^anagpangato iti langit, nga agtugaw iti makanawan ti ^bAma, tapno agturay nga addaan iti mannakabalin a bileg a maibatay iti pagayatan ti Ama;

25 Tapno kas iti kaadu ti ^amamati ken mabuniagan iti nasantuan a naganna, ken ^bagtalinaed a napudno iti pammati agingga iti panungpalan, maisalakan—

26 Saan la a dagidiay namati kalpasan ti yaayna iti ^akangitingitan ti panawen, iti lasag, ti nasken a maaddaan iti agnanayon a biag, ngem amin dagidiay manipud idi punganay, a kas iti kaaduna sakbay nga immay, a namati kadagiti balikas dagiti ^bnasantuan a propeta, a nagsao bayat ti panangparegta kadakuada ti ^csagut ti Espiritu Santo, a pudpudno a ^dnangpaneknek kenkuana iti amin a banag.

27 Kasta met dagidiay umay kalpasanna, a mamati kadagiti ^asagut ken pakaawagan ti Dios babaen ti Espiritu Santo, a ^bmangpaneknek iti kasuratan ti Ama ken ti Anakna;

28 A ti Ama, Anak, ken Espiritu Santo ^amaymaysada a Dios, awan patinggana ken agnanayon, awan paggibusanna. Amen.

29 Ket ammotayo a nasken nga ^aagbabawi amin a tao ken ^bmamati iti nagan ni Jesucristo, ken agdaydayaw iti Ama iti naganna, ken agibtur iti pammati iti naganna agingga iti panungpalan, wenno dida ^cmaisalakan iti pagarian ti Dios.

30 Ket ammotayo a ti ^apannakapalinteg babaen ti ^bparabur ti Apotayo ken Mangisalakan a Jesucristo nalinteg ken pudno;

31 Ken ammotayo met, a ti ^apannakapasanto babaen ti parabur ti Apotayo ken Mangisalakan a Jesucristo nalinteg ken pudno, kadagiti amin a mangayat ken agserbi iti Dios iti amin a ^bkabaelanda, panunot, ken pigsa.

32 Ngem nalabit a ^amatnag ti tao manipud iti parabur ket umadayo iti sibibiag a Dios;

33 Ngarud nasken a dumngeg ti simbaan ket kanayon nga agkararag, no saan matnagda iti ^asulisog;

34 Wen, ken kasta met a dumngeg dagiti napasanton.

35 Ket ammotayo a pudno dagitoy a banag ken maibatay kadagiti paltiing ni Juan, a ^amangnayon man, wenno mangkissay manipud iti pammadto ti librona, dagiti ^bnasantuan a kasuratan, wenno dagiti paltiing ti Dios nga umay kalpasan daytoy babaen ti sagut ken bileg ti Espiritu Santo, ti ^ctimek ti Dios, wenno dagiti agserserbi nga anghel.

36 Ket nasaon ti Apo a Dios; ket maipaay ti panagdayaw, bileg ken dayag iti nasantuan a naganna, ita man ken iti agnanayon. Amen.

37 Ket manen, kas bilin iti simbaan maipanggep iti wagas ti panagbuniag—Amin dagiti agpakumbaba iti Dios, ken agtarigagay a ^amabuniagan, ket umasidegda nga addaan iti ^bnasneban a puso ken napnuan babawi nga espiritu, ken saksianda iti simbaan a pudpudno nga imbabawidan amin dagiti basolda, ket sitatallugodda a mangawat iti ^cnagan ni Jesucristo, a ^dsisasaganada nga agserbi kenkuana agingga iti panungpalan, ken pudpudno a maimatangan kadagiti ^earamidda nga inawatda ti Espiritu ni Cristo iti ^fpannakaugas ti basbasolda, maawatda a mabuniagan iti simbaanna.

38 Ti pagrebbengan dagiti elder, saserdote, maestro, diakono, ken kameng iti simbaan ni Cristo—Elder ti ^aapostol, ket akemna ti ^bmamuniag;

39 Ken ^amangorden kadagiti sabali nga elder, saserdote, maestro, ken diakono;

40 Ken ^amangannong iti tinapay ken arak—dagiti simbolo ti lasag ken dara ni Cristo—

41 Ken ^amamatalged kadagiti mabuniagan iti simbaan, babaen ti panangipatay kadagiti ^bdakulap para iti pammuniag iti apuy ken iti ^cEspiritu Santo, a maibatay kadagiti nasantuan a kasuratan;

42 Ken mangisuro, mangilawlawag, mangigunamgunam, mangbuniag, ken mangkita iti simbaan;

43 Ken mamatalged iti simbaan babaen ti panangipatay kadagiti dakulap, ken ti pannangted iti Espiritu Santo;

44 Ken mangidaulo kadagiti amin a miting.

45 Dagiti elder ti ^amangiturong kadagiti miting iti panangiwanwan kadakuada ti Espiritu Santo, a maibatay kadagiti bilin ken paltiing ti Dios.

46 Pagrebbengan ti ^asaserdote ti mangasaba, ^bmangisuro, mangilawlawag, mangigunamgunam, ken mangbuniag, ken mangannong iti sakramento.

47 Ken mangsarungkar iti balay ti tunggal kameng, ket igunamgunamna kadakuada nga ^aagkararag a ^bsibabatad ken iti nalimed ken mangasikaso iti amin a pagrebbengan iti ^ckaamaan.

48 Ken mabalinna met ti ^amangorden kadagiti sabali a saserdote, maestro, ken diakono.

49 Ken isu ti mangidaulo kadagiti miting no awan ti sisasagana nga elder;

50 Ngem no adda sisasagana nga elder, mangasaba laeng, mangisuro, mangilawlawag, mangigunamgunam, ken mamuniag.

51 Ken mangsarungkar iti balay ti tunggal kameng, mangigunamgunam kadakuada nga agkararag a sibabatad ken iti nalimed ken mangasikaso iti amin a pagrebbengan iti kaamaan.

52 Maipanggep kadagitoy a pagrebbengan ^atumulong pay ti saserdote iti elder no kasapulan.

53 Pagrebbengan ti ^amaestro ti ^bmangkitkita a kanayon iti simbaan, a makipulapol ken mangpapigsa kadakuada;

54 Ken kitaenna nga awan ti basol iti simbaan, wenno ^akinasukir iti tunggal maysa, wenno panagulbod, panagsasao iti liklikudan, wenno ^bdakes a panagsasao;

55 Ken kitaenna a masansan ti panagmimiting ti simbaan, ken kasta met a kitaenna nga aramiden amin dagiti kameng ti pagrebbenganda.

56 Ken idauluanna dagiti miting no awan ti elder wenno saserdote—

57 Ken kanayon a tulongan, kadagiti amin a pagrebbenganna iti simbaan, dagiti ^adiakono, no kasapulan.

58 Ngem awan ti turay dagiti maestro wenno diakono a mamuniag, mangannong iti sakramento, wenno mangipatay iti dakulap.

59 Isuda, nupay kasta, ti mangballaag, mangilawlawag, mangigunamgunam, ken mangisuro, ken mangawis iti amin nga umasideg ken ni Cristo.

60 Maordenan ti tunggal ^aelder, saserdote, maestro, wenno diakono a maibatay kadagiti sagut ken ^bpakaawagan ti Dios kenkuana; ket maordenan babaen ti bileg ti Espiritu Santo, nga adda iti mangorden kenkuana.

61 Agtataripnong ti sumagmamano nga elder a mangbukel iti daytoy a simbaan ni Cristo iti maminsan iti tallo a bulan, wenno masansan nga iturong wenno ilatang dagiti nasao a taripnong;

62 Ket aramiden ti nasao a taripnong ti ania man a kasapulan ti simbaan a nasken a maaramid iti dayta a kanito.

63 Awaten dagiti elder ti lisensiada manipud kadagiti sabali nga elder, babaen ti ^abutos ti simbaan a pakaibilanganda, wenno manipud kadagiti taripnong.

64 Mabalin nga alaen ti tunggal saserdote, maestro, wenno diakono, nga inordenan ti saserdote, ti ^asertipiko manipud kenkuana iti dayta met la a kanito, sertipiko a, no idatag iti elder, mapalubosan a maaddaan iti lisensia, a mangted kenkuana iti karbengan a mangipatungpal kadagiti pagrebbenganna iti akemna, wenno mabalinna nga awaten iti taripnong.

65 Awan ti tao a ^amaordenan iti ania man a pagtakeman iti daytoy a simbaan, nga addaan iti naan-anay a nabukel a sangana, nga awan ti ^bbutos dayta a simbaan;

66 Ngem addaan dagiti mangimaton nga elder, agbambaniaga nga obispo, nangato a mamalbalakad, nangato a saserdote, ken elder, iti kalintegan a mangorden, no awan ti sanga ti simbaan a pakaangayan ti panagbutos.

67 Maordenan ti tunggal presidente ti nangato a saserdote (wenno mangimaton nga elder), ^aobispo, nangato a mamalbalakad, ken ^bnangato a saserdote, babaen ti panangiturong ti ^cnangato a mamalbalakad wenno iti sapasap a taripnong.

68 Ti ^apagrebbengan dagiti kameng kalpasan ti pannakaawatda babaen ti panagbuniag.—Nasken nga addaan dagiti elder wenno saserdote iti naan-anay a panawen a mangilawlawag kadagiti amin a banag maipanggep iti simbaan ni Cristo iti ^bpannakaawatda, sakbay ti pannakiranudda iti ^csakramento ken napatalgedandan babaen ti pannakaipatay ti ^ddakulap dagiti elder, tapno maaramid amin a banag a siuurnos.

69 Ket ipakita dagiti kameng iti simbaan, kasta met kadagiti elder, babaen ti nadiosan a pannagna ken panagsasarita, a maikarida iti daytoy, tapno adda dagiti ^aaramid ken pammati a mayalubog kadagiti nasantuan a kasuratan—a magna iti amin a ^bkinasanto iti imatang ti Apo.

70 Idatag ti tunggal kameng ti simbaan ni Cristo dagiti annakda kadagiti elder iti simbaan, a mangipatay kadagiti dakulapda kadakuada iti nagan ni Jesucristo, ket ^abendisionanda ida iti naganna.

71 Awan ti maawat iti simbaan ni Cristo malaksid no nakagtengen iti tawen a mabalinnan ti ^aagsungbat iti Dios, ken kabaelannan ti ^bagbabawi.

72 Maannong ti ^apanagbuniag iti sumaganad a wagas kadagiti amin nga agbabawi—

73 Mapan ti tao a tinudingan ti Apo ken addaan iti turay a naggapu ken ni Jesucristo a mangbuniag, iti danum a kaduana ti tao a nangidatag iti bagina a mabuniagan, ket kunana, nga awaganna iti naganna: Babaen ti pannakabalin nga inted ni Jesucristo kaniak, buniaganka iti nagan ti Ama, ken ti Anak, ken ti Espiritu Santo. Amen.

74 Sa ^airaremna iti danum, sana met la ilung-aw.

75 Mayalubog unay ti masansan a panagmimiting ti simbaan tapno ^amakiranud iti tinapay ken danum a ^bpanglagip ken ni Apo a Jesus;

76 Ket annongen ti elder wenno saserdote daytoy; ket kastoy a ^awagas ti panangannongna iti daytoy—nasken nga agparintumeng iti simbaan ket awaganna ti Ama iti napasnek a kararag, a kunana:

77 O Dios, Agnanayon nga Ama, dawatenmi kenka iti nagan ti Anakmo, ni Jesucristo, a bendisionan ken pasantuem daytoy a ^atinapay kadagiti kararua dagiti amin a mairanud iti daytoy; tapno lak-amenda a silalagip iti bagi ti Anakmo, ken ^bpaneknekanda kenka, O Dios, Agnanayon nga Ama, tapno siaayatda a ^cmangawat iti nagan ti Anakmo, ken kanayon a laglagipenda, ken ^dtungpalenda dagiti bilin nga intedna kadakuada, tapno kanayon nga agtaeng kadakuada ti ^eEspirituna. Amen.

78 Ti ^awagas a panangannong ti danum—alaenna met ti ^bkopa, ket kunana:

79 O Dios, Agnanayon nga Ama, dawatenmi kenka, iti nagan ti Anakmo, ni Jesucristo, a bendisionan ken pasantuem daytoy a ^adanum kadagiti kararua dagiti amin nga uminum iti daytoy, tapno aramidenda a silalagip iti dara ti Anakmo, a nagsayasay gapu kadakuada; tapno paneknekanda kenka, O Dios, Agnanayon nga Ama, tapno kanayon a laglagipenda, tapno agtaeng kadakuada ti Espirituna. Amen.

80 Asino man a kameng ti simbaan ni Cristo a naglabsing, wenno nagbiddut, maasikaso kas iturong ti nasantuan a kasuratan.

81 Pagrebbengan ti sumagmamano a simbaan, ti mangibaon iti maysa wenno ad-adu kadagiti maestroda a makitaripnong iti iwayat dagiti elder ti simbaan.

82 Iti listaan ti ^anagnagan dagiti sumagmamano a kameng a nagkaykaysa iti simbaan manipud iti naudi a taripnong; wenno imbaon ti sumagmamano a saserdote, tapno iti kasta maikabil ti maysa kadagiti elder iti umno a listaan ti amin a nagan ti sangabukel a simbaan, nga asino man a tudinganto dagiti sabali nga elder iti naituding a panawen;

83 Ken kasta met, a no asino man ti ^anaikkat iti simbaan, tapno iti kasta mapunas ti naganda iti sapasap a listaan ti simbaan iti nagnagan.

84 Mabalin ti amin a kameng a pumanaw iti simbaan a pagindeganda, no mapanda iti simbaan nga awan ti makaam-ammo kadakuada, ti mangala iti surat a mangpaneknek a kamengda ken nasayaat ti pakasasawanda, a sertipiko a pirmaan ti asino man nga elder wenno saserdote no am-ammo ti kameng nga umawat iti surat ti elder wenno saserdote, wenno pirmaan ti maestro wenno diakono ti simbaan.