Benneg 106
Paltiing a naited babaen ni Joseph Smith a Propeta, iti Kirtland, Ohio, idi 25 ti Nobiembre 1834 (History of the Church, 2:170–171). Naiturong daytoy a paltiing ken ni Warren A. Cowdery, ti in-inauna a kabsat ni Oliver Cowdery.
1–3, Natudingan ni Warren A. Cowdery a mangiturong a dadaulo iti purok; 4–5, Saanto nga un-unaan ti Maikadua a Yaay dagiti ubbing ti silaw a kas mannanakaw; 6–8, Sumaruno dagiti naindaklan a bendision iti napudno a panagserbi iti Simbaan.
1 Pagayatak a matudingan ken maordenan ni katulongak a Warren A. Cowdery a mangiturong a nangato a saserdote iti simbaanko, iti daga ti aFreedom ken kadagiti lugar iti aglawlawna;
2 Ket nasken nga ikasabana ti agnanayon nga ebangheliok, ket pigsaanna ti agsao ken ballaaganna dagiti tao, saan la nga iti lugarna, ngem kadagiti pay kadarrapat a probinsia;
3 Ket ipaayna ti amin a panawenna iti daytoy nangato ken nasantuan nga akem, nga itedko ita kenkuana, a amangtunton a sireregta iti bpagarian ti langit ken ti kinalintegna, ken amin a banag a kasapulan mainayonto iti daytoy; ta maikari ti cagtartrabaho iti tangdanna.
4 Ket manen, pudno kunak kadakayo, aasidegen ti byaay ti Apo, ket parmekennanto ti lubong a kas iti cmannanakaw iti rabii—
5 Ngarud, patibkerenyo dagiti lomoyo, tapno agbalinkayo nga annak ti alawag, tapno saannakayo nga bunaan dayta nga aldaw a kas iti mannanakaw.
6 Ket manen, pudno kunak kadakayo, adda rag-o iti langit idi agtamed ni katulongak a Warren iti setrok, ket inyadayona ti bagina kadagiti aramid dagiti tao;
7 Ngarud, nagasat ni katulongak a Warren, ta addanto kaasik kenkuana; ket, iti laksid ti akinaparammag ti pusona, itag-aykonto no la ketdi ipakumbabana ti bagina kaniak.
8 Ket itedkonto ti aparaburko ken namnama kenkuana a pagtakderanna; ket no itultuloyna ti agbalin a napudno a saksi ken silaw iti simbaan adda insaganak a korona nga agpaay kenkuana kadagiti bmansion ti Amak. Pudno a kasta. Amen.