1 Adtoy, kunak kenka, anakko, a gapu ta saanka a ^anagipatarus a maibatay iti tinarigagayam kaniak, ket inrugim manen ti ^bnagsurat para iti katulongak, a ni Joseph Smith, Jun., kasta met a kayatko nga ituloymo agingga a maiwakasmo daytoy a kasuratan, nga intalekko kenkuana.

2 Kalpasanna, adtoy, dagiti ^asabali a ^bsinurat nga adda kaniak, a pangtedak kenka iti bileg tapno makatulongka a mangipatarus.

3 Agan-anuska, anakko, ta nakemko daytoy, ket saan a maikanada nga agipataruskan iti daytoy a panawen.

4 Adtoy, panagsurat para iti katulongak a ni Joseph ti naituding kenka nga aramid.

5 Ket, adtoy, gapu iti dimo panangituloy iti narugiam, idi rinugiam ti nagipatarus, ti nangibabawyak iti daytoy a gundaway kenka.

6 Saanka nga ^aagdayamudom, anakko, ta panunotko a kastoy a wagas ti aramidek kenka.

7 Adtoy, dimo naawatan; impapanmo nga intedko kenka, idi dimo pinanunot malaksid ti agsaludsod kaniak.

8 Ngem, adtoy, kunak kenka, a nasken nga ^aadalem iti panunotmo; kalpasanna ^bdamagem kaniak no pudno, ket no pudno ipariknakto ti ^cibabara ti ^dbarukongmo; ngarud, ^emariknam a pudno.

9 Ngem no saan a pudno awanto ti kasta a mariknam, ngem ^amakulkolto ti panunotmo a pakalipatam iti banag a biddut; ngarud, saanmo a maisurat dayta a nasagraduan malaksid no maited kenka manipud kaniak.

10 Ita, no ammom koma dagitoy nalabit a ^anakaipataruska; nupay kasta, saan a maikanada nga agipataruska itan.

11 Adtoy, maikanada idi nangrugika; ngem ^anagbutengka, ket naglabas ti panawen, ket saanen a maikanada ita;

12 Ta, dimo kadi nakita nga intedko iti katulongak a ni ^aJoseph ti umdas a pigsa, a nakaaramidanna? Ket awan kadakayo ti kedngak.

13 Aramidem daytoy a banag nga imbilinko kenka, ket rumang-aykanto. Agbalinka a napudno, ket saanka a sumuko iti ^asulisog.

14 Agbalinka a natibker iti ^aaramid nga ^bintudingko kenka, ket awan ti mapukaw a buokmo uray no nginabras laeng, ket ^cmaitag-aykanto iti maudi nga aldaw. Amen.