Benneg 40
Paltiing a naited kada Joseph Smith a Propeta ken Sidney Rigdon, iti Fayette, Nueva York, idi Enero 1831 (History of the Church, 1:145). Sakbay a naisurat daytoy a paltiing, insurat ti Propeta, “Iti panangtallikud ni James Covill iti balikas ti Apo, ket nagsubli kadagiti sigud a pagbatayan ken tattaona, inted ti Apo kaniak ken ni Sidney Rigdon ti sumaganad a paltiing” (History of the Church, 1:145).
1–3, Pinataud ti buteng a maidadanes ken panagessem iti lubong ti itatallikud iti ebanghelio.
1 Adtoy, pudno kunak kadakayo, a napudno kaniak ti puso ti katulongak a ni aJames Covill, ta nakitulag kaniak a tungpalenna ti balikasko.
2 Ket siraragsak a anangawat iti balikas, ngem dagus a sinulisog ni Satanas; ket pinataud ti butengna a bmaidadanes ken panagessemna iti lubong ti citatallikudna iti balikas.
3 Gapuna linabsingna ti katulagak, ket adda kaniak a mangaramid kenkuana iti namnamaek a pagsayaatan. Amen.