Benneg 81
Paltiing a naited babaen ni Joseph Smith a Propeta, iti Hiram, Ohio, idi Marso 1832 (History of the Church, 1:257–258). Natudingan ni Frederick G. Williams a nangato a saserdote ken mamalbalakad iti Panguluen ti Nangato a Kinasaserdote. Ipakita dagiti naisurat a pakasaritaan nga idi maawat daytoy a paltiing idi Marso 1832, tinudinganna ni Jesse Gause iti takem a mamalbalakad ni Joseph Smith iti Panguluen. Nupay kasta, idi nagkamtud a mangituloy iti wagas a mainugot iti daytoy a pannakatuding, nayakar kalpasanna daytoy nga akem ken ni Frederick G. Williams. Maibilang koma ti paltiing (a napetsaan iti Marso 1832) nga addang nga agturong iti pudno a pannakabukel ti Umuna a Panguluen, a naipangruna ti akem para iti saad ti mamagbaga iti dayta a bagi ken mangilawlawag iti kinapateg ti pannakatuding. Saan a nagpaut ti panagserbi ni Kabsat a Gause, ta naikkat iti Simbaan idi Disiembre 1832. Naordenan ni Kabsat a Williams iti dayta a takem idi 18 ti Marso, 1833.
1–2, Iggem a kanayon ti Umuna a Panguluen dagiti tulbek ti pagarian; 3–7, No napudno ni Frederick G. Williams iti panagserbina, maaddaanto iti agnanayon a biag.
1 Pudno, pudno, kunak kenka katulongak a Frederick G. Williams; Denggem ti timek ti agsasao, iti balikas ti Apo a Diosmo, ket imdengam ti akem a naituding kenka, nga isu ti panagbalinmo a anangato a saserdote iti simbaanko, ken mamalbalakad iti katulongak a ni Joseph Smith, Jun.;
2 Kenkuana intedko dagiti atulbek ti pagarian, a kanayon nga agpaay iti bPanguluen ti Nangato a Kinasaserdote:
3 Ngarud, pudno a bigbigek ken bendisionakto isuna, ken uray sika, no la ketdi napudnoka iti panamagbagam, iti takem nga intudingko kenka, a kanayon nga agkararag, a napigsa ken naimpusuan, iti tallaong wenno iti nalimed, kasta met iti panagserbim iti panangipakdaarmo iti ebanghelio iti daga dagiti sibibiag, ken kadagiti kabsatmo.
4 Ket iti panangaramidmo kadagitoy a banag aramidemto ti kasayaatan kadagiti padam a nabiag, ket itandudom ti adayagna nga isu ti Apom.
5 Gapuna, agtalinaedka a napudno; aramidem dagiti naitudingko kenka a takem; asaranayem dagiti nakapsut, itag-aymo dagiti ima dagiti maidasay, ken bpatibkerem dagiti cnalupoy a tumeng.
6 Ket no napudnoka agingga iti panungpalan magun-odmonto ti korona ti asaan nga ipapatay, ken bagnanayon a biag kadagiti cmansion nga insaganak iti balay ti Amak.
7 Adtoy, ken imutektekam, dagitoy dagiti balikas ti Alpha ken Omega, nga isu ni Jesucristo. Amen.