Benneg 92
Paltiing a naited ken ni Joseph Smith a Propeta, iti Kirtland, Ohio, idi 15 ti Marso 1833 (History of the Church, 1:333). Naiturong ti paltiing ken ni Frederick G. Williams, a natudingan iti kallabes a mamalbalakad iti Umuna a Panguluen.
1–2, Mangted ti Apo iti bilin maipanggep iti pannakaawat iti sangsangkamaysa a timpuyog.
1 Pudno, kastoy ti kuna ti Apo, itedko ti asangsangkamaysa a timpuyog, a nabukel a mainugot iti bilin a naited iti kallabes, ti paltiing ken bilin maipanggep iti katulongak a ni Frederick G. Williams, nga awatenyonto iti timpuyog. No ania ti ibagak iti maysa ibagak iti amin.
2 Ket manen, kunak kenka katulongak a Frederick G. Williams, naragsakkanto a kameng iti daytoy a timpuyog; ket no la ketdi napudnoka nga agtungpal kadagiti amin nga immuna a bilin mabendisionankanto iti agnanayon. Amen.