Benneg 67
Paltiing a naited babaen ni Joseph Smith a Propeta, iti Hiram, Ohio, idi Nobiembre 1831 (History of the Church, 1:224–225). Naisangsangayan a taripnong ti pasken, ket napagsasaritaan ken naikeddeng ti pannakaipablaak dagiti paltiing a naawaten ti Propeta manipud iti Apo (kitaen ti paulo ti benneg 1). Napagnanamingan a nasken nga ipan da Oliver Cowdery ken John Whitmer dagiti manuskrito dagiti paltiing iti Independence, a pangipablaakan kadakuada ni W. W. Phelps a kas Libro dagiti Bilin. Adu kadagiti kakabsat ti nangiburay iti nasged a pammaneknekda a napudno unay dagiti paltiing a naurnos a maipablaak, a kas pinaneknekan ti Espiritu Santo a nangsallukob kadakuada. Insurat ti Propeta a kalpasan ti pannakaawat iti paltiing nga ammo a kas benneg 1, adda dagiti maisuppiat a kapanunotan maipanggep iti pagsasao a naaramat kadagiti paltiing. Simmaruno ti agdama a paltiing.
1–3, Mangngeg ti Apo dagiti kararag ket saluadanna dagiti elderna; 4–9, Karitenna dagiti kasiriban a tao a mangtulad uray no ti la kabassitan kadagiti paltiingna; 10–14, Tignayento ti Espiritu dagiti elder ket makitada ti rupa ti Dios.
1 Adtoy ket imdenganyo, O dakayo nga aelder ti simbaanko, a nangummong iti bagbagida, ken nangngegak ti karkararagna, ken ammok ti puspusona, ken nakadanon kaniak ti tartarigagayna.
2 Adtoy ket imutektekan, naiturong dagiti amatak kadakayo, ket adda kadagiti imak dagiti langit ken daga, ket itedko dagiti kinabaknang ti kinaagnanayon.
3 Inkagumaanyo ti mamati a nasken nga umawatkayo iti bendision a naidaton kadakayo; ngem adtoy, pudno kunak kadakayo nga adda adanag iti puspusoyo, ket pudno a daytoy ti gapu a diyo naawat.
4 Ket ita siak, ti Apo, itedko kadakayo ti apammaneknek iti kinapudno dagitoy a bilin a nakadiaya iti sangoyo.
5 Naiturong dagiti matayo iti katulongak a ni Joseph Smith, Jun., ket ammoyon ti apagsasaona, ken ammoyon dagiti pagkuranganna; ket binukibokyo a naimpusuan ti pannakaammo a pakaipeksaanyo iti nasaysayaat ngem iti pagsasaona; ammoyo met daytoy.
6 Ita, bukibokenyo ti Libro dagiti Bilin, uray pay ti kabassitan kadakuada, ket tudinganyo ti akasiriban kadakayo;
7 Wenno, no adda asino man kadakayo a makaaramid iti maysa a kas iti dayta, adda ngarud kalinteganyo nga agkuna a diyo ammo a saanda a pudno;
8 Ngem no saankayo a makaaramid iti maysa a kas iti dayta, agbasbasolkayo no saanyo a apaneknekan a pudnoda.
9 Ta ammoyo nga awan ti kinakillo kadakuada, ken naggapu ti akinalinteg iti ngato, manipud iti Ama ti blawag.
10 Ket manen, pudno kunak kadakayo a gundawayyo, ken kari nga itedko kadakayo a naordenan iti daytoy a panagserbi, a no la ketdi uksobanyo ti bagbagiyo iti apanagil-ilem ken bpanagdandanag, ket cagpakumbabakayo iti sangok, ta saan a naan-anay ti kinapakumbabayo, mapisangto ti dbelo ket emakitadakto ken ammoyo a siak—saan a nailubongan wenno gagangay a panunot, ngem naespirituan.
11 Ta awan pay ti atao a nakakita iti Dios iti ania man a gundaway iti lasag, malaksid no pagungaren ti Espiritu ti Dios.
12 Awan ti asino man a anailubongan a tao ti makaibtur iti sango ti Dios, wenno kalpasan ti nailubongan a panunot.
13 Diyo kabaelan ti aagibtur iti sango ti Dios ita, wenno dagiti agserserbi nga anghel; gapuna, ituloyyo a siaanus agingga nga agbalinkayo a bnaan-anay.
14 Diyo pagsanuden ti pampanunotyo; ket no amaikarikayo, iti naituding a panawenko, makita ken maammuanyonto ti naitalek kadakayo babaen dagiti ima ti katulongak a ni Joseph Smith, Jun. Amen.