Benneg 65
Paltiing a naited babaen ni Joseph Smith a Propeta, iti Hiram, Ohio, idi Oktubre 1831 (History of the Church, 1:218). Intuding ti Propeta a kas kararag daytoy a paltiing.
1–2, Naitalek iti tao iti daga dagiti tulbek ti pagarian ti Dios, ket agballiginto ti panggep ti ebanghelio; 3–6, Dumtengto ti sangaribu a tawen ti pagarian ti langit ken tumiponto iti pagarian ti Dios iti daga.
1 Imdenganyo, ket imutektekan, ti timek a kas iti naggapu iti ngato, a naindaklan ken nabileg, a dumanon kadagiti suli ti daga, wen, nga adda ti timekna kadagiti tao—aIsaganayo ti dalan ti Apo, lintegenyo ti dalanna.
2 Naitalek iti tao iti daga dagiti atulbek ti bpagarian ti Dios, ket manipud dita ti pagsaknapan ti ebanghelio kadagiti suli ti daga, a kas iti cbato a natikap iti bantay a saan a gapuanan dagiti ima a nagtulid, agingga a dnapunno ti sibubukel a daga.
3 Wen, agpakpakaasi ti timek—Isaganayo ti dalan ti Apo, isaganayo ti apangrabii ti Kordero, isaganaanyo ti bNobio.
4 Agkararagkayo iti Apo, awaganyo ti nasantuan a naganna, ipakaammoyo kadagiti tao dagiti nakaskasdaaw nga aramidna.
5 Awaganyo ti Apo, tapno agsaknap ti pagarianna iti daga, tapno awaten dagiti agindeg sadiay, ket makapagsaganada kadagiti aldaw nga umay, nga aibababa ti Anak ti Tao manipud iti langit, nga bagkawes iti raniag ti cdayagna, a mangsabat iti dpagarian ti Dios a naisagana iti daga.
6 Gapuna, agsaknap koma ti apagarian ti Dios, tapno umay ti bpagarian ti langit, tapno sika, O Dios, maitan-ok iti langit kasta met iti daga, tapno maparmek dagiti kabusormo; ta adda ckenka ti dayaw, bileg ken dayag, iti agnanayon nga awan inggana. Amen.