Benneg 74
Paltiing a naited ken ni Joseph Smith a Propeta, iti Hiram, Ohio, idi Enero 1832 (History of the Church, 1:242). Insurat ti Propeta: “Kalpasan ti pannakaawatko iti kallabes a balikas ti Apo [DkK 73], intuloyko nga impatarus dagiti Nasantuan a Kasuratan, ket nagtrabahuak a sireregta agingga iti sakbay la unay ti taripnong, a naaramid idi 25 ti Enero. Bayat daytoy a panawen naawatko met ti sumaganad, a kas pangilawlawag iti 1 Taga Corinto 7:14” (History of the Church, 1:242).
1–5, Patigmaanan ni Pablo ti Simbaan iti aldawna a saan a mangsurot iti paglintegan ni Moises; 6–7, Nasantuan ken mapasanto dagiti babassit nga ubbing babaen ti Pannakasubbot.
1 Ta mapasanto ti saan a amamatpati a kaingungot babaen ti kapisi, ket mapasanto ti saan a mamatpati a kapisi babaen ti kaingungot; no saan narugit idi dagiti annakyo, ngem naespirituanda itan.
2 Ita, kadagiti aldaw dagiti apostol inan-annurot amin dagiti Hudio a saan a namati iti ebanghelio ni Jesucristo ti paglintegan ti panagkugit.
3 Ket napasamak a rimsua ti dakkel a apanagsusupanget dagiti tao maipanggep iti paglintegan ti bpanagkugit, ta nalaus ti tarigagay dagiti di mamatpati a kaingungot a makugit dagiti annakda ket paiturayanda iti cpaglintegan ni Moises, a natungpal a paglintegan.
4 Ket napasamak a dagiti annak, a napadakkel a paiturayan iti paglintegan ni Moises, dimngegda kadagiti akannawidan dagiti ammada ket saanda a namati iti ebanghelio ni Cristo, a nagbalinanda a saan a naespirituan.
5 Gapuna, daytoy ti nakaigapuan ti panagsurat ti apostol iti simbaan, nga inikkanna ida iti bilin, saan a nagtaud iti Apo, ngem kenkuana, a saanto a amaitipon ti mamatpati iti di mamatpati; malaksid no mailaksid kadakuada ti bpaglintegan ni Moises.
6 Tapno agtalinaed dagiti annakda a saan a makugit; ken tapno mailaksiden ti kannawidan, nga agkuna a saan a naespirituan dagiti babassit nga ubbing; ta adda idi kadagiti Hudio;
7 Ngem anasantuan dagiti babassit nga bubbing, a cnapasanto babaen ti dpannubbot ni Jesucristo; ket daytoy ti kayat a sawen ti nasantuan a kasuratan.