Benneg 119
Paltiing a naited babaen ni Joseph Smith a Propeta, iti Far West, Missouri, idi 8 ti Hulio 1838, a sungbat iti ararawna, “O Apo! Ipakitam kadagiti katulongam no mano ti dawatem nga apagkapullo kadagiti sanikua dagiti taom” (History of the Church, 3:44). Ti paglintegan ti apagkapullo, a kas maawatan ita, saan pay a naited iti Simbaan sakbay daytoy a paltiing. Kayat a sawen ti apagkapullo iti kararag a naadaw iti ngato ken kadagiti napalabas a paltiing (64:23; 85:3; 97:11) saan laeng nga apagkapullo, ngem amin a daton a nawaya ti pannakaitedna, wenno saranay, iti pundo ti Simbaan. Kait-ited ti Apo iti Simbaan ti paglintegan iti pannangted-pateg ken panangaywan iti sanikua, a simrekan dagiti kameng (kangrunaanna dagiti mangidadaulo nga elder) iti katulagan nga agnanayon. Gapu iti di pannakatungpal iti biang ti kaaduan iti daytoy a katulagan, winaswas ti Apo iti ababa a panawen ket intedna kas suno ti paglintegan iti apagkapullo iti sibubukel a Simbaan. Dinamag ti Propeta iti Apo no mano ti dawatenna iti sanikuada a para iti sagrado a kasapulan. Daytoy a paltiing ti sungbat.
1–5, Nasken a bayadan dagiti Santo dagiti sobra a sanikuada sada ited, a kas apagkapullo, ti apagkapullo ti matgedanda iti tinawen; 6–7, Dayta a panangiturong ti mangpasantonto iti daga ti Zion.
1 Pudno, kastoy ti kinuna ti Apo, kasapulan kaniak a mayawat amin a asobra a sanikua iti obispo ti simbaanko iti Zion.
2 Para iti pannakabangon ti abalayko, ken para iti pannakaipasdek ti pamuon ti Zion ken para iti kinasaserdote, ken para kadagiti utang ti Panguluen ti Simbaanko.
3 Ket daytoyto ti pangrugian ti pannangted dagiti taok iti aapagkapullo.
4 Ket kalpasan dayta, amin dagiti nangted iti apagkapullo agbayaddanto iti apagkapullo ti amin a matgedanda iti tinawen; ket daytoyton ti masurot a paglintegan iti agnanayon, para iti nasantuan a kinasaserdotek, kinuna ti Apo.
5 Pudno kunak kadakayo, mapasamakto a mangtedto iti apagkapullo iti sobra ti sanikuada amin dagiti naummong iti daga ti aZion, ket surotendanto daytoy a paglintegan, wenno saandanto a maikari a makitipon kadakayo.
6 Ket kunak kadakayo, no saan a tungpalen dagiti taok daytoy a paglintegan, a mangpasanto iti daytoy, ken mapasanto kaniak ti daga ti aZion babaen daytoy a paglintegan, tapno dagiti alagadek ken pangngeddengko mataginayonto, tapno mapagbalin a kasantuan, adtoy, pudno kunak kadakayo, saanto a daga ti Zion kadakayo.
7 Ket daytoyto ti pagarigan amin dagiti aistaka ti Zion. Pudno a kasta. Amen.