1 Adtoy, nagasat, kuna ti Apo, dagiti immay iti daytoy a daga a naitalimudok ti ^aimatangda iti dayagko, a maibatay kadagiti bilinko.

2 Ta isuda nga agbiag ^atawidendanto ti daga, ket isuda a ^bmatay aginanadanto iti amin a trabahoda, ket sumarunonto kadakuada ti bunga dagiti aramidda; ket umawatdanto iti ^ckorona kadagiti ^dmansion ti Amak, nga insaganak a para kadakuada.

3 Wen, nagasat dagiti agindeg iti daga ti Zion, a nangtungpal iti ebangheliok; ta awatendanto a gunggonada dagiti nasayaat a banag iti daga, ket agbunganto iti ^anawadwad.

4 Ken makoronaandanto met iti parabur manipud iti ngato, wen, ken kadagiti bilin a saan la a bassit, ken kadagiti ^apaltiing iti panawenda—isuda a ^bnapudno ken ^cnaregta iti imatangko.

5 Gapuna, itedko kadakuada ti bilin, a kastoy ti kunak: ^aAyatenyo ti Apo a Diosyo, iti amin a ^bpusoyo, iti amin a kabaelan, panunot, ken pigsayo; ket iti nagan ni Jesucristo ^cpagserbianyo.

6 Ayatenyo ti ^apadayo a tao a kas iti bagiyo. Saankayo nga ^bagtakaw; wenno ^cmakiabig, wenno ^dmamapatay, wenno agaramid iti ania man a kaarngina.

7 ^aAgyamankayo iti Apo a Diosyo iti amin a banag.

8 Mangidatonkayo iti ^asakripisio iti Apo a Diosyo iti ^bkinalinteg, a kas iti dayta nasneban a puso ken ^cnapnuan babawi nga espiritu.

9 Ken tapno ad-adda a mapagtalinaedyo ti bagiyo nga ^aawanan mulit iti lubong, mapankayo iti balay a pagkararagan ket mangidatonkayo iti sakramento iti ^bnasantuan nga aldawko;

10 Ta pudno a daytoy ti aldaw a naituding a panaginanayo kadagiti trabahoyo, ken ti ^apanagdaydayawyo iti Kangatuan;

11 Nupay kasta maidaton dagiti kariyo iti kinalinteg iti amin nga aldaw ken iti amin a panawen;

12 Ngem laglagipenyo nga iti daytoy, ti aldaw ti Apo, idatonyo dagiti ^asagut ken sakramentoyo iti Kangatuan, a ^bmangipudno iti basbasolyo kadagiti kabsatyo, ken iti imatang ti Apo.

13 Ket awan ti sabali a banag nga aramidenyo iti daytoy nga aldaw, isaganayo laeng ti taraonyo a sipupuso tapno naan-anay ti ^apanagayunoyo, wenno, iti sabali a pannao, tapno mapnokayo iti ^brag-o.

14 Pudno, daytoy ti panagayuno ken panagkararag, wenno iti sabali a pannao, panagrag-o ken panagkararag.

15 Ket no la ketdi aramidenyo dagitoy a banag nga addaan ^apanagyaman, nga addaan iti ^bnaragsak a ^cpuspuso ken ruprupa, saan a nalabes a ^dpanagkatkatawa, ta basol daytoy, ngem iti narag-o a puso ken naragsak a rupa—

16 Pudno kunak, a no la ketdi aramidenyo daytoy, agpaay kadakayo ti pakabuklan ti daga, dagiti ayup iti kataltalonan ken dagiti tumatayab iti tangatang, ken dayta agkalatkat kadagiti kayo ken magna iti daga;

17 Wen, ken ti ruot, ken dagiti nasayaat a banag nga agtaud iti daga, para taraon man wenno aruaten, wenno para kadagiti balay, wenno para kadagiti sarusar, wenno para kadagiti mula a kayo nga agbunga, wenno para kadagiti minuyongan, wenno para kadagiti bangkag;

18 Wen, amin a banag nga agtaud iti ^adaga, iti panawenda, naaramidda para iti pagimbagan ken aramaten ti tao, agpada a mangparagsak iti mata ken mangparag-o iti puso;

19 Wen, para taraon ken para aruaten, ramanan ken lang-aben, a pangpapigsa iti bagi ken pangparegta iti kararua.

20 Ket naragsakan ti Dios isu nga intedna amin dagitoy a banag iti tao; ta agingga iti daytoy a panungpalan naaramidda tapno aramaten, a nga addaan pangngeddeng, saan a tapno agsurok, wenno babaen ti pammilit.

21 Ket awan ti ^apagbasolan ti tao iti Dios, wenno awan ti pakaaronan ti pungtotna, malaksid kadagiti saan a ^bmangipudno iti imana ti amin a banag, ken dagiti di agtungpal kadagiti bilinna.

22 Adtoy, maibatay daytoy iti paglintegan ken kadagiti propeta; gapuna, didak riribukenen maipanggep iti daytoy a banag.

23 Ngem adalenyo nga asino man a mangaramid kadagiti aramid ti ^akinalinteg awatennanto ti ^bgunggonana, a kas iti ^ckappia iti daytoy a lubong, ken ^dagnanayon a biag iti masungad a lubong.

24 Siak, ti Apo, nasaokon, ket paneknekan ti Espiritu. Amen.