Benneg 122
Ti balikas ti Apo ken ni Joseph Smith a Propeta, bayat ti pannakaibaludna iti pagbaludan ti Liberty, Missouri, idi Marso 1839 (History of the Church, 3:300–301).
1–4, Pagdidinnamaganto iti intero a daga ti nagan ni Joseph Smith; 5–7, Mangted amin dagiti nagpeggadan ken panagtutuokna iti padas ket agpaay iti pagsayaatanna; 8–9, Bimmaba kadakuada amin ti Anak ti Tao.
1 Pagdidinnamaganto iti intero a daga ti anaganmo, ket umsiendakanto dagiti maag, ket makaungetto kenka ti impierno;
2 Bayat ti idadawat dagiti natarnaw ti panagpuspusona, ken dagiti masirib, ken dagiti natakneng, ken dagiti nadayaw, iti apammagbaga, ken panangituray, ken bendision a masansan iti imam.
3 Ket saanto iti kaano man nga agtallikud kenka dagiti taom babaen ti pammaneknek dagiti mangliliput.
4 Ket nupay iduronnakanto iti riribuk ti kinabilegda, ken iti rehas ken iti pader, addanto latta kenka ti dayaw; ket iti aapagbiit ad-addanto a nakaam-amak ti timekmo iti imatang dagiti kabusormo ngem iti rungsot ti bleon, gapu iti kinalintegmo; ket agtakderto iti sibaymo ti Dios iti agnanayon nga awan inggana.
5 No natudinganka nga aglasat iti panagtutuok; no addaka iti baet ti panagrigat kadagiti ulbod a kabsatmo; no addaka iti baet ti panagrigat kadagiti mannanakaw; no addaka iti baet ti panagrigat iti daga wenno iti baybay;
6 No mapabasolka iti amin a kita ti ulbod a pammabasol; no darupendaka dagiti kabusormo; no girsagirsayendaka iti gimong ti amam ken ti inam ken dagiti kabsatmo a lallaki ken babbai; ket no babaen ti naasut nga espada girsagirsayendaka dagiti kabusormo iti sidong ti asawam, ken kadagiti annakmo, ken iti inauna nga anakmo a lalaki, nga innem a tawenna pay laeng, agbitinto iti pagan-anaymo, ket kunananto, Amak, amak, apay a dika makapagtaeng kadakami? O, amak, ania ti aramiden kenka dagiti lallaki? ket no kalpasanna maisinanto kenka babaen ti espada, ket maulodka iti pagbaludan, ket sarakusokendaka dagiti kabusormo a kas kadagiti aoso a mangpanggep iti dara ti kordero;
7 Ket no maipisokkanto iti abut, wenno kadagiti ima dagiti mammapatay, ket maipataw kenka ti patay; no maipuruakka iti auneg; ket no pagaambonandaka ti um-umkis a dalluyon; no agbalin a kabusormo ti narungsot nga angin; no agdalungdong ti langit iti sipnget, ket amin a banag agkukunsabo a mangbangon iti dalanmo; ken kangrunaan ti amin, no dagiti yo ti bimpierno ungapendanto ti ngiwatda a mangalun-on kenka, ammuem, anakko, nga amin dagitoy a banag ipaayandaka iti cpadas, ket agbalindanto a pagsayaatam.
8 Ti aAnak ti Tao bbimmaba iti babaenda amin. Nain-indaklanka kadi ngem isu?
9 Ngarud, dika bumdeng, ket aagtalinaedto kenka ti kinasaserdote; ta naitudingen ti bbeddengda, saandanto a makalabas. Ammon dagiti caldawmo, ket mabilbilangen dagiti tawenmo; ngarud, dika dagbuteng iti aramiden ti tao, ta addanto kenka ti Dios iti agnanayon nga awan inggana.