Benneg 55
Paltiing a naited ken ni William W. Phelps babaen ni Joseph Smith a Propeta, iti Kirtland, Ohio, idi Hunio 1831 (History of the Church, 1:184–186). Sangsangpet da William W. Phelps, ti agimalmaldit, ken ti kaamaanna iti Kirtland, ket sinapul ti Propeta iti Apo ti pakaammo maipanggep kenkuana.
1–3, Naawagan ken napili ni W. W. Phelps a mabuniagan, tapno maordenan nga elder, ken tapno mangikasaba iti ebanghelio; 4, Mangsurat met iti liblibro a para ubbing kadagiti pagadalan ti Simbaan; 5–6, Agdaliasat iti Missouri, nga isu ti disso a pagtrabahuanna.
1 Adtoy, kastoy ti kuna ti Apo kenka, katulongak a William, wen, nga isu ti Apo ti sibubukel a adaga, sika a naawagan ken napili; ket kalpasan ti bpannakabuniagmo iti danum, a maitalimudok ti imatangmo iti dayagko, maugasan dagiti basolmo ket maawatmo ti Nasantuan nga Espiritu babaen ti pannakaipatay dagiti cdakulap;
2 Ket kalpasanna maordenanka babaen ti ima ti katulongak a ni Joseph Smith, Jun., nga agbalin nga elder iti daytoy a simbaan, a mangikasaba iti panagbabawi ken apannakaugas dagiti basol babaen ti wagas ti panagbuniag iti nagan ni Jesucristo, ti Anak ti sibibiag a Dios.
3 Ket asino man a pangipatayam kadagiti dakulapmo, ket sibababawida kaniak, maaddaanka iti bileg a mangted iti Nasantuan nga Espiritu.
4 Ket manen, maordenankanto a mangtarabay iti katulongak a ni Oliver Cowdery iti aramid a panagimaldit, ken iti panagpili ken apanagsurat kadagiti libro para kadagiti pagadalan daytoy a simbaan, tapno makaawat met dagiti babassit nga ubbing iti panangiwanwanko a kas makaay-ayo kaniak.
5 Ket manen, pudno kunak kenka, iti daytoy a gapu agdaliasatka a kaduam dagiti katulongak a da Joseph Smith, Jun., ken Sidney Rigdon, tapno amaimulaka iti daga a tawidmo a mangaramid iti daytoy a trabaho.
6 Ket manen, pagdaliasatem met ni katulongak a Joseph Coe a kaduada. Maipakaammonto dagiti nabati kalpasan daytoy, a kas iti pagayatak. Amen.