Benneg 72
Paltiing a naited babaen ni Joseph Smith a Propeta, iti Kirtland, Ohio, idi 4 ti Disiembre 1831 (History of the Church, 1:239–241). Sumagmamano nga elder ken kameng ti naguummong a mangadal iti pagrebbenganda ken ad-adda a maipasagepsep kadakuada dagiti pannursuro ti Simbaan. Natipon iti daytoy a benneg ti dua a paltiing a naawat iti isu met la nga aldaw. Ipakaammo dagiti bersikulo 1–8 ti pannakatuding ni Newel K. Whitney nga obispo. Natudingan ken naordenan kalpasanna, kalpasan ti pannakaawat kadagiti bersikulo 9–26, a mangted iti ad-adu pay a pakaammuan kadagiti pagrebbengan ti obispo.
1–8, Nasken a mangidatag dagiti elder iti obispo iti pakaammuan iti panagaywanda; 9–15, Saluadan ti obispo ti pagidulinan ken taripatuenna dagiti nakurapay ken agkasapulan; 16–26, Nasken dagiti obispo ti mangpaneknek iti pannakaikari dagiti elder.
1 Imdenganyo, ken denggenyo ti timek ti Apo, O dakayo a nangummong iti bagbagida a sangsangkamaysa, a anangangato a saserdote ti simbaanko, a nakaitedan ti bpagarian ken bileg.
2 Ta pudno kastoy ti kinuna ti Apo, nasken kaniak nga adda aobispo a matudingan para kadakayo, wenno manipud kadakayo, nga agserbi iti simbaan iti daytoy a paset ti bangkag ti Apo.
3 Ket pudno naaramidyo a nainsiriban daytoy a banag, ta kasapulan ti Apo, iti ima ti tunggal aagaywan, a mangidatag iti bpakaammo ti cpanagaywanna, iti agpadpada nga iti panawen ken iti agnanayon.
4 Ta isu a napudno ken amasirib iti panawenna maibilang a maikari nga agtawid kadagiti bmansion nga insagana kenkuana ti Amak.
5 Pudno kunak kadakayo, a nasken a mangidatag dagiti elder ti simbaan iti daytoy a paset ti abangkagko iti pakaammuan iti panagaywanda, iti obispo a tudingakto iti daytoy a paset ti bangkagko.
6 Maisuratto dagitoy a banag, a mayawatto iti obispo ti Zion.
7 Ket maipakaammonto ti pagrebbengan ti aobispo babaen dagiti bilin a naiteden, ken ti timek ti taripnong.
8 Ket ita, pudno kunak kadakayo, ti katulongak a ni aNewel K. Whitney ti tao a matudingan ken maordenan iti daytoy a bileg. Daytoy ti pagayatan ti Apo a Diosyo, ti Mannubbotyo. Pudno a kasta. Amen.
9 Ti balikas ti Apo, a mainayon iti paglintegan a naiteden, a mangipakaammo iti pagrebbengan ti obispo a naordenan iti simbaan iti daytoy a paset ti bangkag, a pudno a daytoy—
10 A mangsaluad iti apagidulinan ti Apo; nga umawat kadagiti pundo ti simbaan iti daytoy a paset ti bangkag;
11 Nga umawat iti pakaammo dagiti elder a kas iti naibilinen idi; ken amangipaay kadagiti kayatda, a mangbayad iti awatenda, no la ketdi adda pagbayadda;
12 Tapno maikkan-pateg met daytoy iti pagimbagan ti simbaan, kadagiti nakurapay ken makasapul.
13 Ket isu nga aawan ti pagbayadna, maala ken mayawat ti pakaammo iti obispo ti Zion, nga isu ti mangbayad iti utang manipud iti impaima kenkuana ti Apo.
14 Ket dagiti trabaho dagiti napudno a nagtrabaho kadagiti naespirituan a banag, iti panangannongda iti ebanghelio ken dagiti banag ti pagarian para iti simbaan, ken iti lubong, ti mangsungbatto iti utang iti obispo ti Zion;
15 Kasta ti panagtaudna iti simbaan, ta maibatay iti apaglintegan nga ited ti tunggal tao a dumteng iti Zion amin a banag iti obispo ti Zion.
16 Ket ita, pudno kunak kadakayo, a nasken a mangted ti tunggal elder iti daytoy a paset ti bangkag iti pakaammo iti panagaywanna iti obispo iti daytoy a paset ti bangkag—
17 Iti asertipiko a naggapu iti ukom wenno obispo iti daytoy a paset ti bangkag, iti obispo ti Zion, mangaramid iti tunggal tao a maikari, ken mangsungbat kadagiti amin a banag, a para iti tawid, ken maawat a masirib nga bagaywan ken napudno nga agtartrabaho;
18 No saan saanto a maawat iti obispo ti Zion.
19 Ket ita, pudno kunak kadakayo, paikalikagumyo iti simbaan wenno kadagiti simbaan ti tunggal elder a mangted iti pakaammo iti obispo ti simbaan iti daytoy a paset ti bangkag, a pagtrabahuanna, tapno maidatagna ti bagina ken dagiti pakaammona a maanamongan iti amin a banag.
20 Ket manen, palubosanyo dagiti katulongak a natudingan nga agaywan kadagiti pakaseknan ti apanagsuratan ti simbaan a dumawat iti tulong iti obispo wenno kadagiti obispo iti amin a banag—
21 Tapno maipablaakto dagiti apaltiing, ket maiwaras iti amin a suli ti daga; tapno makagun-odda met dagiti pundo a pakairanudan ti simbaan iti amin a banag—
22 Tapno maidatagda met ti bagbagida a maanamongan iti amin a banag, ken maibilang a kas masirib nga agaywan.
23 Ket ita, adtoy, daytoyto ti pagarigan dagiti amin a nadumaduma a sanga ti simbaanko, iti sadino man a daga a pakaipatakderanda. Ket ita igibuskon ti agsao. Amen.
24 Sumagmamano a balikas ti mainayon kadagiti paglintegan ti pagarian, a maipanggep kadagiti kameng ti simbaan—isuda a atudingan ti Nasantuan nga Espiritu a mapan iti Zion, ken isuda a naaddaan iti gundaway a mapan iti Zion—
25 Pangidatagenyo ida iti obispo iti sertipiko nga aggapu iti tallo nga elder ti simbaan, wenno sertipiko nga aggapu iti obispo;
26 No saan isu a mapanto iti daga ti Zion saanto a maibilang a kas masirib nga agaywan. Pagarigan met daytoy. Amen.