Benneg 50
Paltiing a naited babaen ni Joseph Smith a Propeta, iti Kirtland, Ohio, idi Mayo 1831 (History of the Church, 1:170–173). Inlanad ti Propeta a sumagmamano kadagiti elder ti di makaawat iti panagpakita dagiti nadumaduma nga espiritu a nagwaras iti daga ken naited daytoy a paltiing a kas sungbat iti naisangsangayan a panagdamagna maipanggep iti dayta a banag. Saan a karkarna dagiti masasao a naespirituan a pagteng kadagiti kameng, sumagmamano kadakuada ti nagkuna nga umaw-awat kadagiti parmata ken paltiing.
1–5, Adu a sinsinan nga espiritu ti adda iti sabsabali a daga; 6–9, Ay-ay pay dagiti managinkukuna ken dagiti naisina iti Simbaan; 10–14, Ikasaba dagiti elder ti ebanghelio babaen ti Espiritu; 15–22, Nasken nga agpadpada nga iwanwan ti Espiritu dagiti mangaskasaba ken dagiti dumngeg; 23–25, Ti saan a mangitandudo saan a para iti Dios; 26–28, Dagiti napudno ti agtagikua iti amin a banag; 29–36, Masungbatan dagiti kararag dagiti napatarnaw; 37–46, Ni Cristo ti Naimbag a Pastor ken ti Bato ti Israel.
1 Imdenganyo, O dakayo nga elder ti simbaanko, ken denggenyo ti timek ti sibibiag a Dios; ken ikasoyo dagiti nainsiriban a balikas a maitedto kadakayo, a maibatay iti dinawatyo ken napagnunumuan a mainaig iti simbaan, ken dagiti espiritu a nagwaras iti daga.
2 Adtoy, pudno kunak kadakayo nga adu ti espiritu a asinsinan espiritu, a nagwaras iti daga, a mangal-allilaw iti lubong.
3 Ken kasta met a kinalikaguman ni aSatanas ti mangallilaw kadakayo, tapno mapaksiatnakayo.
4 Adtoy, siak, ti Apo, sipsiputankayo, ket nakitak ti makarimon nga aramid iti simbaan a amangar-aramat iti naganko.
5 Ngem nagasat dagiti napudno ken amakaibtur, iti man biag wenno iti patay, ta tawidendanto ti agnanayon a biag.
6 Ngem ay-ay pay dagiti amanangallilaw ken managinkukuna, ta, kastoy ti kuna ti Apo, ukomekto ida.
7 Adtoy, pudno kunak kadakayo, adda dagiti amanaginkukuna kadakayo, a nangallilaw iti sumagmamano, a nangted iti bbileg iti ckabusor; ngem adtoy maibabawinto ddayta;
8 Ngem mailasinto dagiti managinkukuna ket amaisina, iti man biag wenno iti patay, a kas iti pagayatak; ket ay-ayto pay dagiti maisina iti simbaanko, ta agpada a rimbawanto ti lubong.
9 Gapuna, pagannadenyo ti tunggal tao amangan ta aramidenna ti saan a tumutop ken kinalinteg iti sangok.
10 Ket ita umaykayo, kinuna ti Apo, babaen ti Espiritu, kadagiti elder ti simbaanna, ket aaglilinnawagtayo, tapno maawatanyo;
11 Aglilinnawagtayo a kas iti pannakilinnawag ti tao iti tunggal maysa a sangonsango.
12 Ita, iti pannakilinnawag ti tao maawatan ti tao, gapu ta makilinnawag a kas tao; a kas kaniak, nga Apo, a makilinnawag kadakayo tapno amaawatanyo.
13 Gapuna, siak nga Apo damagek kadakayo daytoy a saludsod—ania ti anakaordenanyo?
14 Tapno ikasabayo ti ebangheliok babaen ti aEspiritu, a kas iti bMangliwliwa a naibaon a mangisuro iti kinapudno.
15 Kalpasanna inawatyo nga aespiritu ti diyo maawatan, ket inawatyo a nagtaud iti Dios; ket iti daytoy nainkalintegankayo kadi?
16 Adtoy sungbatanyo daytoy a saludsod iti bagbagiyo; nupay kasta, kaasiankayonto; asino man kadakayo ti nakapsut manipud ita amapapigsanto.
17 Pudno kunak kadakayo, isu nga inordenak ken imbaonko a amangikasaba iti balikas ti kinapudno babaen ti Mangliwliwa, iti Espiritu ti kinapudno, ikasabana kadi babaen ti bEspiritu ti kinapudno wenno iti sabali a wagas?
18 Ket saan a nagtaud iti Dios no maaramid iti sabali a wagas.
19 Ket manen, isu a mangawat iti balikas ti kinapudno, awatenna kadi babaen ti Espiritu ti kinapudno wenno iti sabali a wagas?
20 Saan a nagtaud iti Dios no maaramid iti sabali a wagas.
21 Ngarud, apay a diyo maawatan ken ammo, nga isu nga umawat iti balikas babaen ti Espiritu ti kinapudno awatenna a kas inkasaba ti Espiritu ti kinapudno?
22 Gapuna, isu a mangikasaba ken isu a mangawat, agkinnaawatanda, ket agpadada a amaitandudo ken bagrag-oda a dua.
23 Ket dayta banag a saan a mangitandudo saan a nagtaud iti Dios, ngem ketdi iti akasipngetan.
24 Silaw dayta nagtaud iti Dios; ket isu nga umawat iti alawag, ken bagtultuloy iti Dios, umawat iti cad-adu a lawag; ket rumanraniag a rumanraniag dayta a lawag agingga iti naan-anay nga aldaw.
25 Ket manen, pudno kunak kadakayo, ket ibagak tapno maammuanyo ti akinapudno, tapno mapaksiatyo ti kinasipnget kadakayo;
26 Isu nga inordenan ti Dios ken naibaon, isu met laeng ti matudingan a akangatuan, iti laksid ti kababana ken bkatulongan ti amin.
27 Gapuna, isu ti aakinsakup iti amin a banag; ta adda iti babaenna amin a banag, iti langit ken iti daga nga agpadpada, ti biag ken ti lawag, ti Espiritu ken ti bbileg, a naibaon babaen ti pagayatan ti Ama babaen ni Jesucristo, ti Anakna.
28 Ngem awan ti asino man a tao a mangsakup iti amin a banag malaksid no anapatarnaw ken bnadalusan iti amin a basol.
29 Ket no napatarnaw ken nadalusankayo iti amin a basol, adawatenyo ti ania man a kayatyo iti nagan ni Jesus ket maaramidto.
30 Ngem ammuenyo daytoy, maitedto kadakayo ti dawatenyo; ket iti panangtudingna kadakayo a amangipangulo, addanto iti babaenyo dagiti espiritu.
31 Gapuna, mapasamakto, a no makitayo ti aespiritu nga agpakita a diyo maawatan, ket diyo awaten dayta nga espiritu, agdamagkayo iti Ama iti nagan ni Jesus; ket no dina ited kadakayo dayta nga espiritu, isunto ti pannakaammoyo a saan a nagtaud iti Dios.
32 Ket maitedto kadakayo, ti abileg a mangparmek iti dayta nga espiritu; ket ibagayo a maibusor iti dayta nga espiritu iti napigsa a timek a saan a nagtaud iti Dios—
33 Saan a amakapabain a pammabalaw, tapno dinakayo marimbawan, uray pay ti bpanangiparammag wenno panagrag-o, no saan parmekennakayo dayta.
34 Isu a mangawat iti Dios, bay-anyo nga isu ti agsungbat iti Dios; ket bay-anyo nga agrag-o tapno isunto ti agsungbat iti Dios iti maitutop nga awatenna.
35 Ket babaen ti panangtungpalyo ken panangaramidyo kadagitoy banag nga inawatyo, ken dagitinto pay awatenyo kalpasan daytoy—ket inted kadakayo ti Ama ti apagarian, ken bbileg a mangrimbaw iti amin a banag a saanna nga inordenan—
36 Ket adtoy, pudno kunak kadakayo, nagasatkayo a dumdumngeg ita kadagitoy a balikasko manipud iti ngiwat ti katulongak, ta apinakawannakayon ti basbasolyo.
37 Palubosanyo ti katulongak a ni Joseph Wakefield, a nakaay-aywak unay, ken ti katulongak a ni aParley P. Pratt a mapan kadagiti simbaan ket papigsaenda ida babaen ti bmangigunamgunam a balikas;
38 Kasta met ti katulongak a ni John Corrill, wenno kas iti kaadu dagiti katulongak a naordenan iti daytoy a rebbengen, ket palubosanyo ida nga agtrabaho iti abangkag; ket diyo palubosan ti asino man a tao a mangtubeng kadakuada a mangaramid iti intudingko kadakuada—
39 Gapuna, iti daytoy a banag saan a nainkalintegan ni katulongak nga aEdward Partridge; nupay kasta bay-anyo nga agbabawi ket mapakawanto.
40 Adtoy, babassitkayo nga ubbing ket diyo pay amaibturan amin a banag ita; nasken a bdumakkelkayo iti cparabur ken iti pannakaammo iti dkinapudno.
41 Dikayo aagbuteng, babassit nga bubbing, ta kukuakayo, ket csakupko ti lubong, ket dakayo dagiti dinted kaniak ti Amak;
42 Ket awan ti amapukaw kadagiti inted kaniak ti Amak.
43 Ket amaymaysa ti Ama ken siak. Addaak iti Ama ken adda kaniak ti Ama; ket gapu ta inawatdak, addakayo kaniak ken addaak kadakayo.
44 Gapuna, addaak iti tengngayo, ket siak ti anasayaat a pastor, ken ti bbato ti Israel. Isu a nabangon iti daytoy a cbato dsaanto a maduprak.
45 Ket dumtengto ti aldaw a mangngegyo ti timekko ken amakitadak, ken maammuanyo a siak.
46 aAgsiputkayo, ngarud, tapno bmakapagsaganakayo. Pudno a kasta. Amen.